Venada türki bauırlastar bas qosıp, naurız merekesin toyladı. Foto: Qıdırhan Çolpan.

Europadağı qazaq bauırlastarımızdan jetken habarğa qarağanda, ötken aptada, 25 naurız küni Avstriyanıñ astanası Vena qalasında Europadağı jäne at ayağı jetken alıs qwrlıqtardağı türik tildes bauırlastar bas qosıp, Wlıstıñ wlı küni – Naurız meyramın atap ötken. Şarağa qazaq diasporası atınan Europadağı qazaqtardıñ birlestiginiñ ökilderi arnayı qatısqan. Bwl turalı birlestik törağası Qıdırhan Çolpan habarladı.

Ejelgi dästürdi eske tüsirdi. Foto: Q.Ç.

Wlıstıñ wlı künine arnalğan merekelik şara Qazaq, Türik jäne Äzerbayjan elderiniñ än wranımen bastalıp aşılğan. Qazaqstannıñ atalğan eldegi diplomatı Merey Mwqajan qazaq eliniñ sälemin jetkizgen.

Ğasırlıq mwragerler.

Euraziyanıñ tükpir-tükpirinen kelgen türki tekti ağayın naurızdıñ otır jağıp, mıñ jılğı dästürdi jañğırtıp ottan qarğıp, tarihi tamırlastığın eske tüsirgen. Europadağı qazaq qandastarımız qazaqtıñ wlttıq kiimderin, wlttıq tağamdarın, wlttıq bi men muzıka önerin tuıstas türik tektes ağayındarğa körsetken.

Arsılanbek Swltanbek. Foto: Q. Çolpan.

«Naurızda elde bolmasaq ta elimizdiñ dästürin tuıstas halıqtarğa körsetip, köñilimiz serpilip qaldı», – deydi Qıdırhan Çolpan, «Aytalıq, meniñ basıma kigen «kerey twmaq» Bayanölgeyden bolsa, üstimdegi oqalı şapan atajwrt Qazaqstannan, belimdegi kümis kise men qanjar, ata meken altın Altaydan. Al, hanımımnıñ kigen kimeşek-şılauışı apasınan qalğan keminde bir ğasırlıq mwra bolatın. Bwl toyğa qazaqtıñ dombırasın tuısqan halıqtarğa tanıstırıp jürgen Arsılanbek Soltanbek bauırımız da qatıstı», – dedi.

“The Qazaq Times”