Bügin, 31-şi naurız elimizdegi eñ ülken  oqu orındarınıñ biri äl-Farabi atındağı Qazaq Wlttıq universitetinde  wlıstıñ wlı küni naurız meyramı atalap ötti. Eki jıl qatarınan karantinge baylanıstı  auqımdı deñgeyde ötkizilmegen meyram osı jolı joğarı deñgeyde  wyımdastırılğan.

Irıs pen ıntımaqtıñ jarşısına aynalğan merekege oray QazWU qalaşığına 19 ülken kiiz üy qwrılıp, wlttıq tağamdarmen dastarhan jayılğan. Är qazaq üyge fakul'tet atauına baylanıstı atau bergen eken. “Jurnalister auılı”, “Zañgerler auılı” degen sekildi. Är qazaq üyde fakul'tet wjımdarı, studentteri merekelik dastarhan jayıp, köje, bauırsaq pisirip merekeni joğarı deñgeyde toylap jatır.

Sonımen qatar merekelik koncert te wyımdastırılğan. Koncertti universitet rektorı J.Tüymebaev aştı. Barşa qazaq elin, studentterdi naurız meyramımen qwttıqtap, jılı lebizin bildirdi. Arı qaray merekelik bağdarlama jalğasın tauıp, halıqqa jaqsı köñil küy sıyladı. Qazaqtıñ wlttıq salt-dästürinen körinister qoyıldı. Kelin tüsiru, besikke salu dästürleriniñ mänin  halıqqa qoyılım arqılı jetkizuge tırıstı. Arı qaray elimizdiñ änşi-küyşileri än-küyden şaşu şaştı. «Alatau serileri» tobı orındağan «Moldabaydıñ äni» jinalğan köpşiliktiñ köñilinen şıqtı. Merekege kelgenderdiñ köñil küyleri köteriñki bolıp jür.

Bayğanım boyınşa naurız meyramı jıldan jılğa joğarğı deñgeyde toylanıp kele jatır. Jastardıñ, studentterdiñ de köñil küyleri de erekşe. Tipti şetelden kelip oqıp jatqan studentterde merekeni toylauğa öz ülesterin qosıp jür. Köpşiligi qazaqşa taqiya, käjekey şapan kiip alğan. Äsirese jay künderi wlttıq oyu-örnekter kiip jürgen jastardı köptep bayqap jürmin. Bwl äreketteri ärine köñil quantadı.

“Naurız – jıl bası” demekşi osı jılımız däl bügingidey berekeli,jaqsı jıl bolsın deymiz. Halqımızdıñ ıntımağı artıp,tek jaqsı jañalıqtarmen quanıp jüre bereyik. Naurız qwttı bolsın!

Almatı qalası,

Gülnwr Älimjanova