Alta Motors kompaniyasınıñ Street Tracker koncepciyası / Foto: facebook.com

Alta Motors kompaniyası kez kelgen joldarda jüretin elektrikalıq motocikldiñ koncepciyasın wsındı. Bwl turalı Naked-science habarladı.

Arağa birneşe aylar salıp, startap Alta Motors öziniñ twñğış motociklderin narıqqa şığarğan. Sonımen qatar, elektr quatımen jüretin motocikldiñ koncepciyasın wsındı. Onıñ jasaluına platforma retinde kompaniyanıñ birinşi önimi – Redshift motocikli bolmaq.

Birinşi öndiristik ob'ektini jasap şığaru men dilerlik jeli wyımdastıru üşin, sonday-aq Redshift motocikliniñ alğaşqı modelin jasap şığaru üşin, Kaliforniyalıq Alta Motors startapına 6 jıldan asa uaqıt qajet boldı. Bwl – jeñil elektrli motocikl «jolsız» (jol salınbağan)  jerlerde jüruge arnalğan. Eki türi bar: Birinşisi, motokrossqa arnalğan nwsqası – MX. Ekinşisi, wzaq jolğa arnalğan – SM. Ayta keteyik, bwl motocikl modelderi arnayı motojarısta jeñiske jetken jürgizuşiniñ arqasında tanımal boldı. Sebebi, ol qatısuşı däl osı Redshift-ti paydalanğan.

Street Tracker motociklderiniñ anonsı Facebook-tegi Alta Motors resmi paraqşasında körsetildi. Ökinişke oray, dayındauşılar koncepttiñ tek bir suretin ğana körsetken jäne arnayı belgileri turalı eş aqparat bermegen. Degenmen, jaña elektrli motocikdiñ özin (joğarıda tek koncepsiyasın wsındı degen bolatınbız) 10-12 aqpanda, One Moto Show-da körsetpek.

“The Qazaq Times”