Resey sırtqı ister ministri Sergey Lavrov Ortalıq Aziya elderiniñ soñğı jıldardağı qarım-qatınası jöninde mälimdeme jasadı.

Özbekstan astanası Taşkent qalasında ötken Auğanstan dağdarısın retteuge baylanıstı halıqaralıq konferenciyada söz söylegen Sergey Lavrov: «Soñğı jıldarı Ortalıq Aziya bestiginiñ (Qazaqstan, Özbekstan, Qırğızstan, Türkimenstan, Täjikstan) qarım-qatınasında jaña serpilis payda boldı. Bwl aymaqtıq mäselelerdi şeşuge ğana emes Auğanstan dağdarısın retteuge de jaqsı jağınan äser etude. Biz Auğanstan mäselesinde Ortalıq Aziya elderiniñ qadamdarın joğarı bağalaymız» - degen.

Esteriñizge salayıq, 15 naurız küni Astana qalasında Ortalıq Aziya elderi basşılarınıñ sammiti ötken bolatın. Atalmış sammiten keyin reseylik BAQ betterinde «jiındı wyımdastırğan Qazaqstan men Özbekstan Reseyden alşaqtauda», «Ortalıq Aziya basşılarınıñ sammiti qanday da bir integraciyalıq jobalardıñ bastaması emes», «Ortalıq Aziya Reseydiñ kömeginsiz öz özin qorğay almaydı» - degen sarındağı materialdar «jauınnan keyingi sañırauqwlaqtay» qaptap ketken.

“The Qazaq Times”