Dağıstanda tärtip ornatu kerek – dep mälimdedi Resey prezidenti Vladimir Putin aymaqqa jasağan is-saparında.

Jergilikti BAQ ökilderiniñ habarlauınşa, alda kele jatqan prezident saylauı qarsañında Vladimir Putin Dağıstan Respublikasına is-saparmen barıp, halıqpen kezdesken. Kezdesu barısında Putin soñğı uaqıttarı Respublika boyınşa wstalğan joğarı lauazımdı twlğalarğa baylanıstı bayandama jasağan. Onda ol: «Dağıstannıñ ekonomika salasına tärtip ornatu kerek. Mağan sizderdiñ qoldaularıñız, sizderdiñ közqarastarıñız öte mañızdı boldı. Qazir bizdiñ dwrıs bağıtta kele jatqanımızğa közim jetti» - degen.

Esteriñizge salayıq, aqpan ayınıñ 5-i küni Dağıstan ükimeti otstavkağa jiberilip, prem'er-ministr Abdusamad Gamidov pen onıñ eki orınbasarı jäne bilim ministri twtqınğa alınğan. Tekseru barısında Gamidovtıñ üyinen altın jalatılğan «TT» jäne «Beretta» tapanşaları men Kalaşnikov avtomatı tabılğan. Keyinnen prem'er-ministr men onıñ orınbasarlarına «asa iri kölemde qarjı jımqırdı jäne alayaqtıqpen aynalıstı» - degen ayıp tağılğan.

“The Qazaq Times”