فوتو: ۆەستي.

داعىستاندا ءتارتىپ ورناتۋ كەرەك – دەپ مالىمدەدى رەسەي پرەزيدەنتى ۆلاديمير پۋتين ايماققا جاساعان ءىس-ساپارىندا.

جەرگىلىكتى باق وكىلدەرىنىڭ حابارلاۋىنشا، الدا كەلە جاتقان پرەزيدەنت سايلاۋى قارساڭىندا ۆلاديمير پۋتين داعىستان رەسپۋبليكاسىنا ءىس-ساپارمەن بارىپ، حالىقپەن كەزدەسكەن. كەزدەسۋ بارىسىندا پۋتين سوڭعى ۋاقىتتارى رەسپۋبليكا بويىنشا ۇستالعان جوعارى لاۋازىمدى تۇلعالارعا بايلانىستى بايانداما جاساعان. وندا ول: «داعىستاننىڭ ەكونوميكا سالاسىنا ءتارتىپ ورناتۋ كەرەك. ماعان سىزدەردىڭ قولداۋلارىڭىز، سىزدەردىڭ كوزقاراستارىڭىز وتە ماڭىزدى بولدى. قازىر ءبىزدىڭ دۇرىس باعىتتا كەلە جاتقانىمىزعا كوزىم جەتتى» - دەگەن.

ەستەرىڭىزگە سالايىق، اقپان ايىنىڭ 5-ءى كۇنى داعىستان ۇكىمەتى وتستاۆكاعا جىبەرىلىپ، پرەمەر-مينيستر ابدۋساماد گاميدوۆ پەن ونىڭ ەكى ورىنباسارى جانە ءبىلىم ءمينيسترى تۇتقىنعا الىنعان. تەكسەرۋ بارىسىندا گاميدوۆتىڭ ۇيىنەن التىن جالاتىلعان «تت» جانە «بەرەتتا» تاپانشالارى مەن كالاشنيكوۆ اۆتوماتى تابىلعان. كەيىننەن پرەمەر-مينيستر مەن ونىڭ ورىنباسارلارىنا «اسا ءىرى كولەمدە قارجى جىمقىردى جانە الاياقتىقپەن اينالىستى» - دەگەن ايىپ تاعىلعان.

“The Qazaq Times”