Foto: Today.kz

QR Wlttıq banki bazalıq mölşerlemeni +/-1% dälizben 9,5%-ğa deyin tömendetu turalı şeşim qabıldadı. Bwğan deyin bazalıq mölşerleme 9,75% deñgeyinde boldı. Bwl turalı bas banktiñ baspasöz qızmeti habarladı.

"Jıldıq inflyaciya 2018 jılğa arnalğan nısanalı däliz işinde bayaulauın jalğastıruda. Inflyaciyalıq kütuler tömendeu ürdisin körsetip otır. Qısqa merzimdi aralıqta jıldıq inflyaciyanıñ 5-7% däliziniñ tömen şeginen şığu täuekelderi bar, alayda orta merzimdi kezeñde inflyaciya 2019 jılğa arnalğan 4-6% jaña nısanalı däliz aralığında
boladı", - delingen baspasöz habarlamasında.

Bas banktiñ mälimetinşe, sırtqı narıqtarda jäne sauda äriptes elderdegi jağdaydıñ damu bolaşağına qatıstı jağımdı ürdisterdi jäne oñ bağalaudı, sonday-aq Qazaqstan ekonomikasınıñ ösuin 2018-2019 jıldarı saqtau boyınşa boljamdardı eskere otırıp, Qazaqstan Respublikasınıñ Wlttıq Banki 2018 jılı beytarap aqşa-kredit talaptarınıñ saqtaluın qamtamasız ete otırıp, bazalıq mölşerlemeni birtindep tömendetu sayasatın jalğastıradı.

Ayta keteyik, bwdan bwrın Wlttıq bank bazalıq mölşerlemeni 10,25% deñgeyinen 9,75%-ğa deyin tömendetken bolatın.

“The Qazaq Times”