Türik lirası bir künde 15 payızğa qwnsızdandı. Foto: BBC

Keşe, bir künde türik lirası 15 payızğa arzandap, 1 amerika dolları 13 lirağa teñ bolıp qaldı. Köptegen sarapşılar bwnı prezident Rejep Tayıp Erdoğannıñ ekonomikanı qoldau boyınşa jolğa qoyğan josparlarınıñ nätijesi dep sınauda.

Türkiya prezidenti qırküyekten beri qaray Wlttıq bankke payızdıq mölşerlemeni üş ret tüsirtken edi. Onıñ bwl äreketi oppoziciya qazirgi 20 payızdı qwrağan inflyaciyağa alıp keldi dep qattı sınğa alınuda.

Investorlardıñ seniminiñ joğaluınan biılğı jıldıñ özinde türik lirası 45 payızğa deyin qwnın joğalttı. Biraq, soğan qaramastan prezident Erdoğan öz sayasatın batıl qorğap keledi äri tabandı jalğastıratının aytuda. Onıñ esebinşe joğarı payızdıq mölşerlemeler bäri birdey inflyaciyanı azaytuğa kömek bermeydi.

«Valyutanıñ, payızdıq mölşerlemeniñ jäne bağalardıñ ösuimen oynap otırğan oyınşılarğa kuä bolıp otırmız. Biz özimizdiñ josparımızdı jüzege asıra alatınımızdı körsetuimiz kerek», – degen Türkiya prezidenti kezekti mäselege qatıstı mälimdemesinde.

Erdoğan äkimşiligi payızdıq mölşerlemelerdi qısqartu investiciyanı qoldap, eksporttı jandandıradı, jwmıssızdıqtı azaytadı degen közqarasta. Alayda, oğan qarsı közqarastağı ekonomister bwnı jüzege aspaytın plan qatarında sınaydı.

Bwl jağday Türkiyada Erdoğan men onıñ AK partiyasın qoldauşılardı kürt azaytıp jibergen. Osı oraydan paydalanıp, oppoziciya saylaudı merziminen bwrın ötkizuge şaqıruda, olardı qoldauşılar köşelerde ereuildetip jür. Biraq, Erdoğan tabandılıq tanıtatının añğartuda.

The Qazaq Times