Фото: Today.kz

ҚР Ұлттық банкі базалық мөлшерлемені +/-1% дәлізбен 9,5%-ға дейін төмендету туралы шешім қабылдады. Бұған дейін базалық мөлшерлеме 9,75% деңгейінде болды. Бұл туралы бас банктің баспасөз қызметі хабарлады.

"Жылдық инфляция 2018 жылға арналған нысаналы дәліз ішінде баяулауын жалғастыруда. Инфляциялық күтулер төмендеу үрдісін көрсетіп отыр. Қысқа мерзімді аралықта жылдық инфляцияның 5-7% дәлізінің төмен шегінен шығу тәуекелдері бар, алайда орта мерзімді кезеңде инфляция 2019 жылға арналған 4-6% жаңа нысаналы дәліз аралығында
болады", - делінген баспасөз хабарламасында.

Бас банктің мәліметінше, сыртқы нарықтарда және сауда әріптес елдердегі жағдайдың даму болашағына қатысты жағымды үрдістерді және оң бағалауды, сондай-ақ Қазақстан экономикасының өсуін 2018-2019 жылдары сақтау бойынша болжамдарды ескере отырып, Қазақстан Республикасының Ұлттық Банкі 2018 жылы бейтарап ақша-кредит талаптарының сақталуын қамтамасыз ете отырып, базалық мөлшерлемені біртіндеп төмендету саясатын жалғастырады.

Айта кетейік, бұдан бұрын Ұлттық банк базалық мөлшерлемені 10,25% деңгейінен 9,75%-ға дейін төмендеткен болатын.

“The Qazaq Times”