ۇلتتىق بانك بازالىق مولشەرلەمەنى تاعى تومەندەتتى

قر ۇلتتىق بانكى بازالىق مولشەرلەمەنى +/-1% دالىزبەن 9,5%-عا دەيىن تومەندەتۋ تۋرالى شەشىم قابىلدادى. بۇعان دەيىن بازالىق مولشەرلەمە 9,75% دەڭگەيىندە بولدى. بۇل تۋرالى باس بانكتىڭ ءباسپاسوز قىزمەتى حابارلادى.

"جىلدىق ينفلياتسيا 2018 جىلعا ارنالعان نىسانالى ءدالىز ىشىندە باياۋلاۋىن جالعاستىرۋدا. ينفلياتسيالىق كۇتۋلەر تومەندەۋ ءۇردىسىن كورسەتىپ وتىر. قىسقا مەرزىمدى ارالىقتا جىلدىق ينفلياتسيانىڭ 5-7% ءدالىزىنىڭ تومەن شەگىنەن شىعۋ تاۋەكەلدەرى بار، الايدا ورتا مەرزىمدى كەزەڭدە ينفلياتسيا 2019 جىلعا ارنالعان 4-6% جاڭا نىسانالى ءدالىز ارالىعىندا
بولادى", - دەلىنگەن ءباسپاسوز حابارلاماسىندا.

باس بانكتىڭ مالىمەتىنشە، سىرتقى نارىقتاردا جانە ساۋدا ارىپتەس ەلدەردەگى جاعدايدىڭ دامۋ بولاشاعىنا قاتىستى جاعىمدى ۇردىستەردى جانە وڭ باعالاۋدى، سونداي-اق قازاقستان ەكونوميكاسىنىڭ ءوسۋىن 2018-2019 جىلدارى ساقتاۋ بويىنشا بولجامداردى ەسكەرە وتىرىپ، قازاقستان رەسپۋبليكاسىنىڭ ۇلتتىق بانكى 2018 جىلى بەيتاراپ اقشا-كرەديت تالاپتارىنىڭ ساقتالۋىن قامتاماسىز ەتە وتىرىپ، بازالىق مولشەرلەمەنى بىرتىندەپ تومەندەتۋ ساياساتىن جالعاستىرادى.

ايتا كەتەيىك، بۇدان بۇرىن ۇلتتىق بانك بازالىق مولشەرلەمەنى 10,25% دەڭگەيىنەن 9,75%-عا دەيىن تومەندەتكەن بولاتىن.

“The Qazaq Times”