QR prem'er-ministriniñ birinşi orınbasarı Asqar Mamin men SQO äkimi Qwmar Aqsaqalov.

Bügin QR prem'er-ministriniñ birinşi orınbasarı Asqar Mamin jwmıs saparımen SQO-da boldı. Aldımen birinşi vice-prem'er Petropavl äuejayına bardı, dep habarladı oblıs äkimdiginiñ baspasöz qızmeti.

Bwdan soñ Asqar Maminge oblısta 2018 jılı jol jöndeu boyınşa atqarılatın jwmıstar turalı bayandaldı.

Prem'er-ministrdiñ birinşi orınbasarı jañadan salınıp jatqan «Jas Örken» ıqşam audanındağı oquşılar sarayınıñ qwrılıs barısımen tanıstı. Asqar Maminge «Jas Örken» ıqşam audanınıñ qwrılıs josparı da tanıstırıldı. Bwl şağın audanda 2700 päterdi qoldanısqa beru közdelgen, mektep boy köteredi. Qazirdiñ özinde sport sarayı jäne  tennis ortalığınıñ qwrılısı ayaqtaldı.

Jinalısta Qazaqstan jäne Resey öñiraralıq ıntımaqtastıq forumına dayındıq barısı talqığa tüsti.   Asqar Mamin forumnıñ joğarı deñgeyde ötetindigine senimin jetkizdi. Forumnıñ taqırıbı - «Qazaqstan men Reseydiñ turizmin damıtudıñ jaña joldarı men ürdisteri». Asqar Mamin turizm taqırıbınıñ tañdaluı kezdeysoq emes deydi.

«Biz turizm salasın damıtuğa köp köñil bölemiz. Bwl salanıñ potencialı joğarı. Petropavl kezdeysoq tañdalınıp alınğan joq. Sizderdiñ öñirleriñiz turizm salasında ülken mümkindikterge ie. Turister turalı aytatın bolsaq, bizdiñ nazarımız Resey narığına da auıp otır. Forum öñirdiñ jäne jalpı Qazaqstannıñ turizmdegi bar potencialın körsetuge ülken mümkindik berip otır»,- dedi Asqar Mamin.

Oblıs äkimi Qwmar Aqsaqalov öñirdegi turizmniñ damuına da keñinen toqtalıp ötti. Öñir basşısı oquşılar sarayın  IT-tehnologiyalarmen jaraqtandıru turalı  bayandadı. IT ortalıqta tanımdıq jäne oyın-sauıq qızmetteriniñ tür-türi körsetiledi. Bwl kinostudiya, kiber qauipsizdik jäne virtualdı şındıq kabineti, bağdarlau zerthanası, kinoteatr jäne tağı basqaları.  IT ortalıq öñirde balalar turizmin damıtuğa öz septigin tigizbek.

«Turizm taqırıbı öñirge jäne elimizdiñ turizm salasına ülken serpin bermek. Qazir salınıp jatqan Oquşılar sarayına Qazaqstan men Reseydiñ körşiles öñirlerinen balalar kelu kerek. Ortalıq soñğı IT tehnologiyalarmen jaraqtandırılmaq. Balalarğa arnalğan oyın-sauıq türleri köp boladı», -dedi Qwmar Aqsaqalov.

SQO-da turizm salasında birneşe joba jüzege asırılmaq. Imantau-Şalqar kurort aymağında demalıs orındarı jäne avtokaraning salınadı. Tağı bir joba Qızıljar audanında jüzege aspaq. Petropavlda «Dostyk Mall» sauda-oyın-sauıq keşeni aşıladı.

Birinşi vice-prem'er oblıs ortalığındağı birqatar önerkäsip keşenderin araladı. Asqar Mamin ZIKSTO, PAMJ jäne Kirov atındağı zauıttardıñ damu perspektivasımen tanıstı.

 “The Qazaq Times”