Prezident Nwrswltan Nazarbaev Sırtqı ister ministrin qabıldadı. Foto: Akorda.kz.

Qazaqstan Qıtayğa resmi nota tapsırdı. Bwl turalı keşe QR SİM basşısı Qayrat Äbdirahmanov tilşilerdiñ swrauına jauap bergen kezde mälimdedi. Qıtaydağı qandastardıñ quğın-sürginge wşırap jatqanı rastalğannan keyin, Sırtqı ister ministrligi Qazaqstan-Qıtay arasındağı alğaşqı diplomatiyalıq notanı tapsırğan. Bwdan bir kün bwrın, 14 aqpanda QR prezidenti Nwrswltan Nazarbaev sırtqı ister ministrin qabıldağan bolatın. 

Sırtqı ister ministri Qayrat Äbdirahmanov sözinde: «Bwl isti biz baqılauımızda wstap otırımız. Qıtayda wstalğan azamattardıñ tuıstarı bizge qajetti mälimetti bergen. Biz osı mälimetter rastalğannan keyin Qıtay tarabına resmi türde diplomatiyalıq arnalar arqılı diplomatiyalıq nota jiberdik. Qıtay jağınıñ naqtı jauabın alğannan keyin Qazaqstan azamattarına jetkizetin bolamız. Biz Qıtayda wstalğan Qazaqstan azamattarınıñ tuıstarımen tığız baylanıstamız, atı-jöni de bizge belgili» – dedi.

Qıtaydağı etnikalıq qazaqtardıñ isine baylanıstı prezident Nwrswltan Nazarbaev bıltır mausım ayında ötken Düniejüzi qazaqtarınıñ qwrıltayı kezinde Sırtqı ister ministrligine tapsırma bergen bolatın. QR SİM-i iske kiriskennen keyin de Qıtaydağı qazaqtarğa jasalğan qısım men qudalau toqtamadı. Esesine auırlay tüsip, onıñ salqını Qazaqstan azamattarına da tie bastadı.

Kezekti Qıtayğa joldanğan diplomatiyalıq nota Qazaqstan-Qıtay arasındağı alğaş ret bolıp otır. Alda, Qıtay tarabınıñ naqtı jauabın kütemiz. Bwl Qıtaydağı qazaq bauırlarımızdıñ bolaşağımen ğana emes, Qazaqstan jäne Qıtay arasındağı aldağı qarım-qatınastar üşin de ülken mañızğa ie.

“The Qazaq Times”