پرەزيدەنت نۇرسۇلتان نازارباەۆ سىرتقى ىستەر ءمينيسترىن قابىلدادى. فوتو: Akorda.kz.

قازاقستان قىتايعا رەسمي نوتا تاپسىردى. بۇل تۋرالى كەشە قر ءسىم باسشىسى قايرات ءابدىراحمانوۆ تىلشىلەردىڭ سۇراۋىنا جاۋاپ بەرگەن كەزدە مالىمدەدى. قىتايداعى قانداستاردىڭ قۋعىن-سۇرگىنگە ۇشىراپ جاتقانى راستالعاننان كەيىن، سىرتقى ىستەر مينيسترلىگى قازاقستان-قىتاي اراسىنداعى العاشقى ديپلوماتيالىق نوتانى تاپسىرعان. بۇدان ءبىر كۇن بۇرىن، 14 اقپاندا قر پرەزيدەنتى نۇرسۇلتان نازارباەۆ سىرتقى ىستەر ءمينيسترىن قابىلداعان بولاتىن. 

سىرتقى ىستەر ءمينيسترى قايرات ءابدىراحمانوۆ سوزىندە: «بۇل ءىستى ءبىز باقىلاۋىمىزدا ۇستاپ وتىرىمىز. قىتايدا ۇستالعان ازاماتتاردىڭ تۋىستارى بىزگە قاجەتتى مالىمەتتى بەرگەن. ءبىز وسى مالىمەتتەر راستالعاننان كەيىن قىتاي تارابىنا رەسمي تۇردە ديپلوماتيالىق ارنالار ارقىلى ديپلوماتيالىق نوتا جىبەردىك. قىتاي جاعىنىڭ ناقتى جاۋابىن العاننان كەيىن قازاقستان ازاماتتارىنا جەتكىزەتىن بولامىز. ءبىز قىتايدا ۇستالعان قازاقستان ازاماتتارىنىڭ تۋىستارىمەن تىعىز بايلانىستامىز، اتى-ءجونى دە بىزگە بەلگىلى» – دەدى.

قىتايداعى ەتنيكالىق قازاقتاردىڭ ىسىنە بايلانىستى پرەزيدەنت نۇرسۇلتان نازارباەۆ بىلتىر ماۋسىم ايىندا وتكەن دۇنيەجۇزى قازاقتارىنىڭ قۇرىلتايى كەزىندە سىرتقى ىستەر مينيسترلىگىنە تاپسىرما بەرگەن بولاتىن. قر ءسىم-ءى ىسكە كىرىسكەننەن كەيىن دە قىتايداعى قازاقتارعا جاسالعان قىسىم مەن قۋدالاۋ توقتامادى. ەسەسىنە اۋىرلاي ءتۇسىپ، ونىڭ سالقىنى قازاقستان ازاماتتارىنا دا تيە باستادى.

كەزەكتى قىتايعا جولدانعان ديپلوماتيالىق نوتا قازاقستان-قىتاي اراسىنداعى العاش رەت بولىپ وتىر. الدا، قىتاي تارابىنىڭ ناقتى جاۋابىن كۇتەمىز. بۇل قىتايداعى قازاق باۋىرلارىمىزدىڭ بولاشاعىمەن عانا ەمەس، قازاقستان جانە قىتاي اراسىنداعى الداعى قارىم-قاتىناستار ءۇشىن دە ۇلكەن ماڭىزعا يە.

“The Qazaq Times”