Wlttıq muzeyde wlılar wrpaqtarı jinaldı. Foto: Wlttıq muzeyden

Qazaqstan Respublikası Wlttıq muzeyinde «Wlı twlğa wrpaqtarı» attı jobanıñ tanıstırılımı ötti.

Wlttıq muzeyge jinalğan wlı twlğalardıñ wrpaqtarı.

Atalğan şarağa alaş qayratkeri Qoşmwhambet Kemeñgerovtiñ, qazaqtıñ äygili aqını, änşi, kompozitor Kenen Äzirbaevtıñ, Qazaq KSR-nıñ Halıq ärtisi  Ğarifolla Qwrmanğalievtiñ, Qazaqstannıñ eñbek siñirgen ekonomisi Sanjar Jandosovtıñ,  Qazaq KSR Memlekettik sıylığınıñ laureatı, kompozitor Erkeğali Rahmadievtıñ, qoğam qayratkeri Äzirbayjan Mämbetovtiñ, kompazitor Ğaziza Jwbanovanıñ wrpaqtarı qatıstı.

Erkeğali Rahmadievtıñ jwbayı Klara apay

Şarada söz alğan Wlttıq muzey direktorı Darhan Mıñbay: «Biz ötken tarihtıñ qateligin qaytalamayıq. İz-tüssiz ketken bizdiñ qanşama qayratkerlerimiz bar. Endigi jerde onday olqılıqtı boldırmau maqsatında biz asıldıñ sınığı dep bağalap otırğan keşegi bizdiñ tanımal twlğalarımızdıñ wrpaqtarımen kezdesip otırmız. Şın mäninde bwl şara ülken mañızğa ie. Biz wlılardıñ wrpağın izdep jatsaq ol erteñgi kün üşin qwndı mälimet jinau maqsatında dep ayta alamın», – dedi.

Sanjar Jandosovtıñ wrpağı – Janar Jandosova

Kelgen qonaqtar joba jwmısına sättilik tilep, öz oyların ortağa saldı. Aldağı uaqıtta Wlttıq muzeymen tığız baylanıs ornatatındıqtarın da ayttı.

«Wlı twlğa wrpaqtarı» jobasınıñ maqsatı – qazaq tarihında ornı bar tanımal azamattardıñ, memleket jäne qoğam qayratkerleriniñ, tarihşılardıñ, ğalımdardıñ, tanımal önerpazdar men sport sañlaqtarınıñ wrpaqtarımen Wlttıq muzey arasında tığız baylanıs ornatu. Sonımen qatar, tanımal twlğalardıñ wrpaqtarı jaylı aqparat jinau jäne jinalğan mälimetter negizinde derekter qorınjasau.

Aygül Kemeñgerova

Aldağı uaqıtta joba Wlttıq muzeydiñ wyıtqı boluımen jalğasıp, elimizdiñ tüpkir-tüpkirindegi tanımal twlğalardıñ wrpaqtarımen baylanıs ornatıladı.

“The Qazaq Times”