Foto: rbc.ua

Wjımdıq qauipsizdik turalı şart wyımına (ODKB) müşe elder jeke äskeri kompaniyalar qızmetin zañdastıruı mümkin.

Jaqında WQŞWparlamenttik assambleyasına «jeke äskeri kompaniyalardı zañdastıruğa» baylanıstı zañ jobası jiberilgen. Atalmış zañ jobasın «Qauipsizdik jäne twraqtı damu institutı» qwrastırğan. Institut basşısı Viktor Anan'evtıñ sözinşe, qazirgi tañda Reseyde de, Wjımdıq qauipsizdik turalı şart wyımına (ODKB) müşe elderde de jeke äskeri kompaniyalar joq. Biraq oğan qajettilik bar. Osığan baylanıstı Institut basşılığı atalmış zañ jobasın federaldı jäne ükimetaralıq qwrılımdardıñ qızığuşılığın eskere otırıp dayındağan.

Bwnımen qatar Resey Memlekettik Dumasındağı «Spravedlivaya Rossiya» frakciyasınıñ deputattarı jeke äskeri kompaniyalardıñ jwmısın retteytin zañ jobasın dayındap, ükimet qarauına jibergen. «Spravedlivaya Rossiya» köşbasşısı Sergey Mironovtıñ sözinşe, atalmış zañ jobası Reseydiñ jeke äskeri kompaniyaların şetelderdegi terrorizmge qarsı operaciyalarğa qatıstıruğa, mwnay ken orındarın küzetuge jäne Resey odaqtastarın qorğauğa mümkindik beredi.

Jalpı alğanda eger Resey tarapı wsınğan zañ jobası qabıldanatın bolsa, onda WQŞW-ğa müşe elderdiñ zañdarına jeke äskeri kompaniyalardı retteytin bap enetin boladı. Biraq äzirge zañ avtorları jeke äskeri kompaniyalardıñ jwmısın kimderdiñ qadağalaytının tüsindirip bere almay otır.

Esteriñizge salayıq, qazirgi tañda Wlttıq qauipsizdik turalı şart wyımına Qazaqstan, Özbekstan, Qırğızstan, Täjikstan, Armaniya, Belarus' jäne Resey elderi müşe. Wyım 1992 jılı 15 mamır küni Özbekstan astanası Taşkent qalasında qwrılğan.

“The Qazaq Times”