فوتو: rbc.ua

ۇجىمدىق قاۋىپسىزدىك تۋرالى شارت ۇيىمىنا (ودكب) مۇشە ەلدەر جەكە اسكەري كومپانيالار قىزمەتىن زاڭداستىرۋى مۇمكىن.

جاقىندا ۇقشۇپارلامەنتتىك اسسامبلەياسىنا «جەكە اسكەري كومپانيالاردى زاڭداستىرۋعا» بايلانىستى زاڭ جوباسى جىبەرىلگەن. اتالمىش زاڭ جوباسىن «قاۋىپسىزدىك جانە تۇراقتى دامۋ ينستيتۋتى» قۇراستىرعان. ينستيتۋت باسشىسى ۆيكتور انانەۆتىڭ سوزىنشە، قازىرگى تاڭدا رەسەيدە دە، ۇجىمدىق قاۋىپسىزدىك تۋرالى شارت ۇيىمىنا (ودكب) مۇشە ەلدەردە دە جەكە اسكەري كومپانيالار جوق. بىراق وعان قاجەتتىلىك بار. وسىعان بايلانىستى ينستيتۋت باسشىلىعى اتالمىش زاڭ جوباسىن فەدەرالدى جانە ۇكىمەتارالىق قۇرىلىمداردىڭ قىزىعۋشىلىعىن ەسكەرە وتىرىپ دايىنداعان.

بۇنىمەن قاتار رەسەي مەملەكەتتىك دۋماسىنداعى «سپراۆەدليۆايا روسسيا» فراكتسياسىنىڭ دەپۋتاتتارى جەكە اسكەري كومپانيالاردىڭ جۇمىسىن رەتتەيتىن زاڭ جوباسىن دايىنداپ، ۇكىمەت قاراۋىنا جىبەرگەن. «سپراۆەدليۆايا روسسيا» كوشباسشىسى سەرگەي ميرونوۆتىڭ سوزىنشە، اتالمىش زاڭ جوباسى رەسەيدىڭ جەكە اسكەري كومپانيالارىن شەتەلدەردەگى تەرروريزمگە قارسى وپەراتسيالارعا قاتىستىرۋعا، مۇناي كەن ورىندارىن كۇزەتۋگە جانە رەسەي وداقتاستارىن قورعاۋعا مۇمكىندىك بەرەدى.

جالپى العاندا ەگەر رەسەي تاراپى ۇسىنعان زاڭ جوباسى قابىلداناتىن بولسا، وندا ۇقشۇ-عا مۇشە ەلدەردىڭ زاڭدارىنا جەكە اسكەري كومپانيالاردى رەتتەيتىن باپ ەنەتىن بولادى. بىراق ازىرگە زاڭ اۆتورلارى جەكە اسكەري كومپانيالاردىڭ جۇمىسىن كىمدەردىڭ قاداعالايتىنىن ءتۇسىندىرىپ بەرە الماي وتىر.

ەستەرىڭىزگە سالايىق، قازىرگى تاڭدا ۇلتتىق قاۋىپسىزدىك تۋرالى شارت ۇيىمىنا قازاقستان، وزبەكستان، قىرعىزستان، تاجىكستان، ارمانيا، بەلارۋس جانە رەسەي ەلدەرى مۇشە. ۇيىم 1992 جىلى 15 مامىر كۇنى وزبەكستان استاناسى تاشكەنت قالاسىندا قۇرىلعان.

“The Qazaq Times”