Almatıdağı 5571 äskeri böliminiñ 2-şi jedel maqsattağı batal'onı

Almatı jaylı tañdı tañğa wrıp aytuğa boları şındıq. Elimizdiñ eñ iri megopolisi. Özinde eki millionğa juıq adam twrsa, onıñ sırtında üş millionnıñ astı-üstindegi twrğın osı qalamen tağdırların baylanıstırğan. Osıdan-aq, Almatıdağı halıq nöpirin bağamday beriñiz.

Eñ bastısı Almatı – Täuelsizdik tuı tigilip, añsağan armanımızğa jetken, egemendiktiñ tañı araylap atqan qazaq halqınıñ qasterli qalası. Kezinde oqığanım bar edi, onımen de oqırmanmen bölise otırğanım jön şığar. Tarih bizdiñ ötkenimiz. Sol ötkenge üñilsek, Keñes ükimeti kezinde, qızıl kompartiyadan nwsqau tüsipti – KSRO-nıñ qay jeri adam janına jaylı jwmaq ekendigin anıqtap biliñizder degen. Özderiñiz oylap köriñizderşi, döñgelengen jer şarınıñ jartısın alıp jatqan alıp derjavadan – jer jwmağın tabu. İle-şala talay zertteu mekemeleri iske kirisip, qorıtındısı da dayın bolıptı. Nätijesinde Almatı qalası men Almatı oblısı adamnıñ ömir süruine tabiği twrğıda eñ jaylı jer dep tanılğan eken. Iya, qazekeñniñ jer jannatı – Jetisu degeniniñ teginnen tegin aytılmağanın osıdan-aq, bayqauğa boladı.

Biz Almatınıñ tınıştığın senimdi qorğaymız

Almatı megopolisiniñ tınıştığın qamtamasız etu bwl memlekettik strategiyalıq mindetterdiñ biri. Äueli, tınıştıq jaylı az-kem oy tolğayıqşı. Elbasımız aytadı, aytap keledi de «el birligi eñ bastı baylıq, tınıştıq basımızdağı baq», dep. Şınımende töte oramdı aytılğan wlağat. Tınıştıqsız, el birligisiz el egemendiginiñ araylı künder sanaulı boları, quanıştıñ artı bir-aq twtatam toları anıq.

Al kündiz-tüni qalğımaytın qızu ömiri qaynap jatatın Almatınıñ tınıştığın qamtamasız etu tek ayta salğanğa oñay şığar.

Almatıda Wlttıq wlannıñ «Oñtüstik» öñirlik qolbasşılığı ornalasqan. Küş-quat vedomstvosınıñ eñ iri qwrılımı. Bwl qolbasşılıqqa megopolisten özge Qızılorda, Şımkent, Taraz, Taldıqorğan qalalarındağı qoğamdıq qauipsizdikti qamtamasız etu mindetteri jüktelgen.

Äskeri bölimdegi oqu-jattığu jwmıstarı

Äñgime oñtüstik astanamız jaylı örbip otırğan soñ qaytıp oralayıq. Almatınıñ qoğamdıq tärtibin qamtamasız etetin Wlttıq wlannıñ birneşe qwrılımdıq bölimşeleri bar. Olardıñ biregeyi – 5571 äskeri bölimi. Bügingi bizdiñ oqırmanmen böliser aqparatımız sol äskeri bölimniñ 2-şi jedel maqsattağı batal'onı jaylı. Osıdan birer kün bwrın biz atalğan bölimşege barıp, jauıngerlik qızmetterimen tanısqan bolatınbız.  Bizdi emen-jarqın qarsı alğan wjım bir auızdan «Biz Almatınıñ tınıştığın senimdi qorğaymız» deydi birauızdan.

5571 äskeri böliminiñ 2-şi jedel maqsattağı batal'onı äskeri bölimnen jeke dara bölek ornalasqan. Wjım Almatı qalasınıñ Timiryazev jäne Baytwrsınov köşeleriniñ qiılısındağı qalalıq jol-patrul'dik policiya basqarmasınıñ tura irgesinde qonıs tepken.

Qazaq eliniñ ekonomikası öristep, quatı artqan sayın qwqıq qorğau organdarınıñ infraqwrılımdarı, onıñ işinde Wlttıq wlan täuelsizdik jıldarı layıqtı damu jolınan ötkenine tarih kuä. Oğan aşılğanına bas-ayağı on jıldıñ jüzi bola qoymasa da azamattardıñ alañsız qızmet atqaruları üşin memleket tarapınan barlıq qolaylı jağday jasalğanına 2-şi batal'on dälel bola aladı.

Büginde batal'onnıñ tehnikalıq jaraqtandırıluı joğarı därejede. Jauıngerlik qızmetti atqaruğa qwral-jabdıqtarmen är sarbaz qamtamasız etilgen. Jaqında ğana biıl köktemde äsker qatarına şaqırılğan jauıngerler Äskeri anttarın qabıldap alğaşqı jauıngerlik mindetterin atqara bastağan.

Jalpı alğanda, äskeri bölimşeniñ jeke qwramınıñ küşimen 1027 äkimşilik qwqıq bwzuşı äşkerelenip, 19 qılmıstıq oqiğa deregi aşılğan.

Kapitan Salamat Ämirhanovtıñ aytuınşa, jauıngerlik qızmetpen qosa jauıngerlerdiñ tärbiesi men tanımdıq öresin arttıruğa ülken köñil bölinedi eken. Mäselen, kündelikti tärbie sağattarınan özge jauıngerler qalağadağı tanımdıq orındarğa sayahattauğa jii şığıp twradı eken. «Mwndağı sarbazdardıñ 80-90 payızı auıldıq jerde tuıp ösken balalar. Köpşiligi Almatını tek estigeni bolmasa, jol tüsip körmegender. Biz olardıñ özderine jaqsı bolu üşin, «ia kezinde äskerde bolğanımda» anda-mında barğan bolatınmın dep aytıp, erekşe sezimmen aytıp otıruları üşin olardı är aptanıñ soñğı künderi mwrajaylarğa, sayabaqtarğa, añdar sayabağına aparıp twramız. Bwl da adam tärbiesiniñ bir tetigi bolıp tabıladı», - deydi batal'on bas tärbieşisi.

Qorıta kelgende, özderine senip tapsırılğan jauapkerşiliktiñ üdesinen şığıp kele jatqan 5571 äskeri böliminiñ jedel maqsattağı 2-şi batalonına özderi eñsergen biikterden alasarmay, jaña jetistikterge jete berulerine tilektestik bildiremiz.

Mayor Arman ÄUBÄKİROV

“The Qazaq Times”