Foto: ksu.kz

Qazaqstanda mwğalim mamandığın tañdağan abiturientterdiñ pedagogika mamandığına degen qabiletin tekseru turalı wsınıs jasaldı. Mwnday şara jöninde «Orta bilimnen keyingi bilimniñ bilim beru bağdarlamaların iske asıratın bilim beru wyımdarına oquğa qabıldaudıñ ülgi qağidaların bekitu turalı» Qazaqstan Respublikası Ükimetiniñ 2012 jılğı 30 qañtardağı № 174 qaulısına özgeris engizu turalı jobasında aytıldı. Qwjat "Aşıq NQA" saytında jariyalandı.

Qwjattıñ 13 punktinde: "Pedagogikalıq jäne medicinalıq mamandıqtar boyınşa bilim beru wyımdarına oquğa tüsetin twlğalar tehnikalıq jäne käsiptik, orta bilimnen keyingi bilim beru wyımdarınıñ qabıldau komissiyaları ötkizetin arnaulı emtihan jäne beyindik pän boyınşa emtihan tapsıradı", - delingen.

Sonday-aq, atalğan qaulı jobasında aytılğanday, pedagogikalıq jäne medicinalıq mamandıqtarğa tüsuşiler üşin arnaulı emtihan «ötti» nemese «ötpedi» degen nısanda bağalanadı. Arnaulı jäne şığarmaşılıq emtihannıñ nätijeleri emtihan ötkiziletin küni jariyalanadı.

Ayta keteyik, 2017 jıldıñ aqpanında Parlament mäjilisiniñ äleumettik-mädeni damu komitetiniñ törağası Gülnar Iksanova pedagogikalıq joğarı oqu orındarı mektep bitirgen üzdik tülekterdi tañdamaytının, mwnıñ saldarınan älsiz mwğalimder şığatının, al tömen jalaqı talanttı jastardıñ bwl salağa keluine kedergi keltiretinin aytqan. Onıñ sözinşe, 2015 jılı 2000 "Altın belgi" iegeriniñ tek 148-i ğana bilim beruge qatıstı mamandıqtı tañdağan.

Al qırküyek ayında Parlament senatınıñ törağası Qasım-Jomart Toqaev "talapkerler pedagogikalıq mamandıqtı "tüsu jeñil" degen princippen  tañdaydı" dep pikir bildirgen. Öytkeni basqa mamandıqtarğa qarağanda pedagogika salasında ötu balı aytarlıqtay tömen.

 “The Qazaq Times”