فوتو: ksu.kz

قازاقستاندا مۇعالىم ماماندىعىن تاڭداعان ابيتۋريەنتتەردىڭ پەداگوگيكا ماماندىعىنا دەگەن قابىلەتىن تەكسەرۋ تۋرالى ۇسىنىس جاسالدى. مۇنداي شارا جونىندە «ورتا بىلىمنەن كەيىنگى ءبىلىمنىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋدىڭ ۇلگى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 قاڭتارداعى № 174 قاۋلىسىنا وزگەرىس ەنگىزۋ تۋرالى جوباسىندا ايتىلدى. قۇجات "اشىق نقا" سايتىندا جاريالاندى.

قۇجاتتىڭ 13 پۋنكتىندە: "پەداگوگيكالىق جانە مەديتسينالىق ماماندىقتار بويىنشا ءبىلىم بەرۋ ۇيىمدارىنا وقۋعا تۇسەتىن تۇلعالار تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ ۇيىمدارىنىڭ قابىلداۋ كوميسسيالارى وتكىزەتىن ارناۋلى ەمتيحان جانە بەيىندىك ءپان بويىنشا ەمتيحان تاپسىرادى", - دەلىنگەن.

سونداي-اق، اتالعان قاۋلى جوباسىندا ايتىلعانداي، پەداگوگيكالىق جانە مەديتسينالىق ماماندىقتارعا تۇسۋشىلەر ءۇشىن ارناۋلى ەمتيحان «ءوتتى» نەمەسە «وتپەدى» دەگەن نىساندا باعالانادى. ارناۋلى جانە شىعارماشىلىق ەمتيحاننىڭ ناتيجەلەرى ەمتيحان وتكىزىلەتىن كۇنى جاريالانادى.

ايتا كەتەيىك، 2017 جىلدىڭ اقپانىندا پارلامەنت ءماجىلىسىنىڭ الەۋمەتتىك-مادەني دامۋ كوميتەتىنىڭ توراعاسى گۇلنار يكسانوۆا پەداگوگيكالىق جوعارى وقۋ ورىندارى مەكتەپ بىتىرگەن ۇزدىك تۇلەكتەردى تاڭدامايتىنىن، مۇنىڭ سالدارىنان ءالسىز مۇعالىمدەر شىعاتىنىن، ال تومەن جالاقى تالانتتى جاستاردىڭ بۇل سالاعا كەلۋىنە كەدەرگى كەلتىرەتىنىن ايتقان. ونىڭ سوزىنشە، 2015 جىلى 2000 "التىن بەلگى" يەگەرىنىڭ تەك 148-ءى عانا ءبىلىم بەرۋگە قاتىستى ماماندىقتى تاڭداعان.

ال قىركۇيەك ايىندا پارلامەنت سەناتىنىڭ توراعاسى قاسىم-جومارت توقاەۆ "تالاپكەرلەر پەداگوگيكالىق ماماندىقتى ء"تۇسۋ جەڭىل" دەگەن پرينتسيپپەن  تاڭدايدى" دەپ پىكىر بىلدىرگەن. ويتكەنى باسقا ماماندىقتارعا قاراعاندا پەداگوگيكا سالاسىندا ءوتۋ بالى ايتارلىقتاي تومەن.

 “The Qazaq Times”