Foto: Reuters

M'yanma Sotı "Memlekettik qwpiya turalı" zañdı bwzdı degen ayıppen twtqındalğan Reuters aqparattıq agenttiginiñ qos tilşisin kepildeme boyınşa bosatudan bas tarttı. 31 jastağı Wa Lone men 27 jastağı Kyaw Soe Oo ötken jıldıñ 25 tamızında bastalıp, 690 mıñ Rohindja mwsılmanınıñ Bangladeşke qonıs audaruına sebep bolğan Rakhayndağı qandı qaqtığıs turalı aqparat berumen şwğıldanğan. Olar jeltoqsan ayınıñ 12 küni policiya qızmetkerlerimen kezdesu üstinde wstaldı. Bwl turalı Äl-Jazira aqparattıq agenttigi jazdı. 

Qos tilşiniñ öz tuıstarına bolğan jaydı bayandağan äñgimesi boyınşa, olar meyramhanağa kelgen boyda bwrın kezdespegen policiya qızmetkerleri qoldarına belgisiz qwjattardı wstatqan. Artınşa policiya jasağı kelip, jurnalisterdi twtqınğa alğan. Oqiğa ornında bolğan policiya qızmetkerlerine jauaptı twlğa Reuters tilşileriniñ qolında memlekettik qwpiyağa jatatın derekter bolğanın habarladı.

Degenmen tilşilerdiñ qorğauşısı ayğaq esebinde tirkelgen qwjattağı derek osığan deyin birneşe jergilikti aqparat qwraldarında jariyalanğanın aytadı. Ol wsınğan dälelderge säykes, policiya "memlekettik qwpiya" dep tanıstırğan qwjatta Rakhaynnıñ Maungdau böligindegi äskeri küşterdiñ ornalasuı jazılğan jäne bwl turalı ükimet  tamız oqiğasınan keyin halıqtıñ aldında esep bergen. "YAğni, qoğam üşin aşıq, barlığı biletin aqparat  "memlekettik qwpiya" bola almaydı", - deydi qorğauşı.

Reuters kompaniyasınıñ prezidenti Stefen Adler jurnalisterdiñ sebepsiz 50 künnen astam uaqıt boyı abaqtıda otırğanın aytıp, olardı bosatudı talap etti. BWW-nıñ Bas hatşısı Antoniu Guttereş atalğan jağdayğa alañdauşılıq bildirip, älem elderin tilşilerdi bosatu üşin qoldarınan kelgenniñ bärin jasauğa şaqırdı.

Policiya qızmetkerleri men jurnalisterdiñ sözderinde birneşe säykessizdik bar. Birinşiden, qwqıq qorğau organınıñ ökilderi tilşilerdiñ meyramhanadan tıs köşe qiılısında qolğa tüskenin aytıp, olardıñ "Belgisiz policiya qızmetkerleriniñ şaqırtuımen tüstenuge kelgenbiz" degen mälimdemelerin joqqa şığaradı. Ekinşiden, jurnalister twtqındau tobın basqarğanı turalı kuälik etken policiya basşısı oqiğa ornında bolmağanın aytadı.

Sottıñ kelesi otırısı 6 aqpanğa belgilendi.

“The Qazaq Times”