Qayrat Kelimbetov. Foto: Tengrinews

Qarjı instituttarın qwru jäne olardıñ jwmıs isteui üşin aldağı üş jılda byudjetten jıl sayın 20 mlrd teñge bölinedi. Bwl turalı  "Astana" Halıqaralıq qarjı ortalığı (AHQO) basqaruşısı Qayrat Kelimbetov mälimdedi.

"Biz qarjı instituttarın qwru jäne iske qosu üşin aldağı üş jıl qatarınan byudjetten 20 mlrd teñge aludı josparlap otırmız.  AHQO özin 3-5 jıldıñ işinde aqtap, arı qaray atalğan soma tömendeytin boladı. Osıdan keyin biz byudjet qarjısına täueldi bolmay, investiciya tartu mümkindigin qarastıramız. Sonday-aq, aldağı üş jılda Qazaqstanğa 3-5 mlrd dollar payda äkelemiz dep josparlanuda. Bwl bizdiñ pessimistik bağamız. Al 10 jıl işinde bwl somanı 40 mlrd dollarğa jetkizudi josparlaymız", - dedi Kelimbetov,

Bwdan bölek ol "Eyr Astana" äue kompaniyası, "QazAtomÖnerkäsip" Wlttıq kompaniyası, "Qazaqtelekom"  SPO 2018 jıldıñ törtinşi toqsanında AHQO alañında İRO-ğa şığarılatının atap ötti.

Kelimbetov kriptovalyuta jüyesine qatıstı da pikir bildirdi.

"Sandıq tehnologiyalardı qoldanuğa mamandar men sarapşılardıñ  qızığuşılığı bar. Biz bwl bağıttı qoldaymız. Keybir kompaniyalar  osı bağıtpen Qazaqstanda jwmıs isteuge qızığuşılıq tanıtıp otır. Al  wlttıq kriptovalyutanı şığaruğa keler bolsaq, bwl process äli zerttelip jatır, eşkim naqtı şeşim jasağan joq. Bwl Wlttıq bank qwzırındağı närse", - dedi ol.

Kelimbetov sonday-aq, Goldman Sachs investiciyalıq banki men Silk Road kompaniyası AHQO-ğa investor boluğa qızığuşlılıq bildirgenin atap ötti.

Al "Astana" Halıqaralıq qarjı ortalığın resmi türde tanıstıru 2018 jıldıñ 5 şildesine josparlanğan. Bwl kün Astana küni jäne QR prezidenti Nwrswltan Nazarbaevtıñ tuğan künine twspa-tws keledi.

“The Qazaq Times”