«Astana» halıqaralıq qarjı ortalığınıñ birjası 2018 jıldıñ 1 qañtarınan bastap sauda jürgizuge äzir, dep habarlaydı QR Prem'er-ministriniñ resmi saytı. 

AHQO basqaruşısı Qayrat Kelimbetov Ükimet otırısında jürgizilgen kölemdi jwmıstardıñ nätijesinde AHQO infraqwrılımınıñ jaña jıldan bastap jwmıs isteuge tolıq dayındığı qamtamasız etilgenin aytqan

Sayttıñ mälimetinşe, qaraşada ortalıq alañında alğaşqı qatısuşı retinde Halıqaralıq qarjı ortalığınıñ birjası tirkelgen. Birja 2018 jıldıñ 1 qañtarınan bastap sauda jürgizuge dayın.

Al Qarjı ministri Baqıt Swltanovtıñ aytuınşa, Qazaqstannıñ qor narığın damıtuğa järdemdesu maqsatında 2018 jıldıñ birinşi toqsanında AHQO birjasına memlekettik bağalı qağazdardı şığaru jäne ornalastıru közdelgen.

Sonday-aq, Qarjı ministrligi islam memlekettik qwndı qağazdarı — sukuktı şığaru mümkindigin qarastıruda. 2018 jıldıñ birinşi jartısında AHQO birjasında sukuktı şığaru josparlanğan.

“The Qazaq Times”