Foto: Matritca.kz

"Astana" halıqarılıq qarjı ortalığınıñ törağası, BJZQ direktorlar keñesiniñ müşesi Qayrat Kelimbetov Äzerbayjannıñ Halıqaralıq bankindegi zeynetaqı qarjısına qatıstı jağdaydıñ qalay bolıp jatqanı turalı ayttı.

Ol Ükimet üyinde bolğan baspasöz konferenciyasında atalğan banktiñ BJZQ aldındağı qarızın qayta qwrılımdau boyınşa kelissözder ayaqtalğanın mälimdedi.

"Bwl kelissözder qayta qwrılımdau kelisimimen ayaqtaldı. 250 mln dollar kölemindegi qarız kölemi saqtaldı. Payızdıq mölşerleme tömendetildi, esesine halıqaralıq banktiñ qağazdarı eldiñ qarjı ministrliginiñ euroobligaciyalarına auıstırıldı. YAğni Äzerbayjan tarapınan bağalı qağazdar jüz payızğa kepildengen. Qwjattar 15 jılğa berildi jäne investiciyanıñ tabıstı boluına kepildik beredi. Barlıq process 1 qırküyek küni ayaqtaldı", - dedi Kelimbetov.

Sonday-aq, ol banktegi zeynetaqı qarajatı tolıq qaytarılatının eske saldı.

"Qarjı tolıq kölemde qaytarıladı. Bwdan bwrın bwl qağazdardıñ merzimi 10 jıl bolsa, endi 15 jılğa wzartıldı. Alayda bwl qağazdar ünemi kiris alıp keledi. Bwdan bölek 40 mln dollar obligaciyalardı satıp alu türinde tölendi. Sondıqtan jağday qalıptı jäne uayımdauğa eş negiz bolmau kerek", - dedi ol.

Ayta keteyik, mamır ayında  qazaqstandıq ekonomister tarapınan Äzerbayjan halıqaralıq bankine zeynetaqı qorınıñ 71,3 mlrd teñgesi investiciyalanğanı turalı aqparat tarağan edi. Osıdan keyin 23 mamır küni Äzerbayjan banki kreditorlar aldındağı borıştı qwrılımdaudıñ üş nwsqasın wsınğan. Olar wsınğan üş nwsqa tömendegidey:

  • Birinşisi - ÄHB-tiñ 250 mln dollar qarızın Äzirbayjan Respublikasınıñ memlekettik qwndı qağazdarı türinde 200 mln AQŞ dollar etip, 12 jılda 5,125 payız mölşerlememen qaytaru.
  • Ekinşisi - 250 mln dollar qarızdı Äzirbayjan Respublikasınıñ memlekettik qwndı qağazdarı retinde 15 jılda 3,5 payızdıq mölşerlememen qaytaru.
  • Üşinşisi - 250 mln AQŞ dolların Äzirbayjan Respublikasınıñ memlekettik qwndı qağazdarı retinde 7 jılda 3,5 payızdıq üstememen 250 mln AQŞ dollar etip qaytaru.

“The Qazaq Times”