AQŞ ükimetiniñ bosqındar sayasatı öz nätijesin berude. Foto: WSJ.

Tramp ükimeti düysenbi küni AQŞ wlttıq qauipsizdigine qater töndiredi dep qaralğan 11 eldiñ bosqındarına qatıstı sayasattı qalpına keltirdi jäne bosqındardı şekteu sayasatın küşeyte tüsti. Bwl turalı «WSJ» basılımı habarladı.

Qazir AQŞ-qa kiretin bosqındar sanı azayıp ketken, onıñ bastı sebebi Tramp ükimeti şığarğan bosqındardı şekteu sayasatımen qosa, bosqındardıñ kiru talaptarın tolıqtay toqtattı jäne Irak, Süriya bosqındarın elden şığardı. Tramp bosqındarğa qarsı qatañ sayasattı bıltır jazdan bastap jüzege asırdı. Al küz aylarında bwl şaranı tipti de küşeytti, köptegen elderdegi bosqındardı qabıldau ötinişterin toytardı. 11 eldiñ azamattarına Qwrama Ştatqa kiruine tosqauıl qoydı.

Soñğı jıldardan beri AQŞ-tağı bosqındardıñ 40 payızı Tramp ükimeti şekteu qoyğan 11 elden kelgen. Al bıltır 1 qazannan qazirge deyin bwl körsetkiş 5 payızğa tömendegen. Bwdan sırt mwsılman bosqındar sanı bwrınğı 40 payızdan 14 payızğa azayğan.

Keybir sarapşılardıñ aytuınşa, bwl körsetkişter Tramptıñ mwsılman elderinen keletin bosqındardı şekteu tebinin tipti de küşeyte tüsui mümkin. Mwsılman bosqındardı şekteu - Tramptıñ saylau aldında bergen uädesiniñ biri. Degenmen, Qwrama Ştattıñ joğarı lauazımdıları bosqındardı şekteu şarası dinmen qatısı joq ekenin alğa tartuda.

Aqparat közderiniñ aytuınşa, atalğan 11 elge Iran, Irak, Somali jäne Süriya sındı bosqındar sanı köp elder, bwdan tıs Mısır, Libiya (Liviya), Mali, Soltüstik Koreya, Oñtüstik Sudan, Sudan jäne Yemen qatarlı elder kiredi. Bwl tizim qatarına Tramptıñ inauguraciyasına deyin «wlttıq qauipsizdikke qater töndirui mümkin» elder tizimindegi birneşe el de kiredi.

AQŞ İşki qauipsizdik departamentiniñ keşe jasağan mälimdemesinde, Tramp ükimetinen bwl elderdiñ tizimin jii-jii bağalap, jañartıp twradı dep ümittenetinin bildirdi.

“The Qazaq Times”