Qwrama Ştat prezidenti Donal'd Tramp ötken jwmada jasağan mälimdemesinde, AQŞ-Qıtay arasında dialogtardıñ bolıp jatqanın, kelisimniñ keybir mazmwndarına qol jetkizuge jaqın qalğanın rastadı. Alayda, osığan deyin keybir amerikalıq aqparat qwraldarınıñ taratqan, AQŞ-Qıtay arasında sauda kelisim jasalıp bolğanı turalı habardı joqqa şığardı.  

Tramp jwma küngi sözinde: «Qıtay tarabı bwl kelisimge qol jetkizsek dep ümittenedi. Sebebi, biz osı şaralardı bastağannan beri Qıtay ekonomikasınıñ qwldırağanın olar bilui kerek», – degen. Ol jäne: «Men keşe Şi Jinpiñ mırzamen telefonda söylestim. Olar kelisimge qol jetkizuden köbirek ümittenip otır. Menşe biz Qıtaymen kelisimge qol jetkizemiz. Bwl barlıq adam üşin de ädil kelisim boladı dep oylaymın. Biraq, Qwrama Ştattar üşin tipti de jaqsı kelisim bolmaq», – dedi.

Beysenbi küni Qıtay basşısı Şi Jinpiñ men AQŞ prezidenti Tramp telefon arqılı söylesti jäne taraptar osı aydıñ soñındağı «Ülken jiırmalıq» (G20) sammiti kezinde kezdesuge kelisken. Al jwma küni tüsten bwrın Bloomberg aqparattıq qızmeti: «Tramp jäne onıñ ükimeti Qıtaymen sauda kelisimine kelip ülgerdi», – degen aqparat tarattı.  Alayda, osıdan keyin CNBC Tramp ükimetiniñ lauazımdılarına silteme jasay otırıp, bwl mälimetti joqqa şığarğan, äri AQŞ-Qıtay arasında wzaqqa jalğasatın kelisimder jürip jatqanın aytqan.

Düysenbi küni, Bloomberg osı mäsele boyınşa üş birdey lauazımdı qızmetkerdiñ mälimetine silteme jasay otırıp,  eger «Tramp-Şi kezdesuinde» sauda soğısı boyınşa ımırağa kelmese, Qwrama Ştat jeltoqsannan bastap barlıq qıtaylıq tauarlarğa joğarı tarif engizetinin habarlağan bolatın. Bwl jañalıq AQŞ qor narğında dümpu tudırğan.

Jwma küni tüsken keyin Aq üyde ötken baspasöz jinalısında, Tramp «Ülken jiırmalıq» sammiti kezinde Qıtay basşısımen kezdesuge keliskenin rastadı. Är bwl söylesulerdiñ tabıstı bolğanın, Qıtay ükimeti AQŞ-pen kelissözge kele almasa özderiniñ tarifter soqqısına tap bolatının tüsinip otırğanın ayttı. Tramp jäne qazirgi uaqıtta Qıtaydan kiretin 250 mlrd AQŞ dolları kölemindegi tauarlarğa 25 payızdıq tarif engizudiñ nätijesi jaqsı bolğanın, kelisim bolmay jatsa Qıtaydan kiretin tauarlardıñ barlığına tarifter engiziletinin aytadı.

“The Qazaq Times”