Özbekstannıñ eks İşki ister ministri Adham Ahmetov. Foto: akipress.com

Taşkent qalasında Özbekstannıñ eks İşki ister ministri Adham Ahmetbaev twtqındaldı – dep habarlaydı Ortalıq Aziya jañalıqtar qızmeti.

Jergilikti BAQ ökilderiniñ mälimetinşe, Adham Ahmetovtı 26 qañtar küni Taşkent qalasında prezident gvardiyasınıñ sarbazdarı, İşki ister ministrligi jäne prokuratura qızmetkerleri arnayı operaciya barısında twtqınğa alğan. 52 jastağı eks-ministrdiñ qamauğa alınuı el prezidenti Şavkat Mirzieevtıñ onı «satqın» dep ayıptağannan keyin bir ay ötken soñ bolğan.

Osıdan bir ay bwrın jeltoqsan ayınıñ 22-si küni Şavkat Mirzieev parlamenttiñ qos palatasına jasağan joldauında eks-ministr Adham Ahmetovtı qatañ sınğa alğan bolatın. Onda ol: «Sizder bilesizder me qazir bwrınğı işki ister ministriniñ qayda jürgenin?! Meniñ arım onıñ Özbekstan ministri bola twra satqındıq jasap bir topqa qosılğanın qabılday almadı. Men eki generaldıñ pagonın şeşip alğanmın. General-leytenant sımaqtar» - dep mälimdegen.

“The Qazaq Times”