وزبەكستاننىڭ ەكس ىشكى ىستەر ءمينيسترى تۇتقىندالدى

تاشكەنت قالاسىندا وزبەكستاننىڭ ەكس ىشكى ىستەر ءمينيسترى ادحام احمەتباەۆ تۇتقىندالدى – دەپ حابارلايدى ورتالىق ازيا جاڭالىقتار قىزمەتى.

جەرگىلىكتى باق وكىلدەرىنىڭ مالىمەتىنشە، ادحام احمەتوۆتى 26 قاڭتار كۇنى تاشكەنت قالاسىندا پرەزيدەنت گۆاردياسىنىڭ ساربازدارى، ىشكى ىستەر مينيسترلىگى جانە پروكۋراتۋرا قىزمەتكەرلەرى ارنايى وپەراتسيا بارىسىندا تۇتقىنعا العان. 52 جاستاعى ەكس-ءمينيستردىڭ قاماۋعا الىنۋى ەل پرەزيدەنتى شاۆكات ميرزيەەۆتىڭ ونى «ساتقىن» دەپ ايىپتاعاننان كەيىن ءبىر اي وتكەن سوڭ بولعان.

وسىدان ءبىر اي بۇرىن جەلتوقسان ايىنىڭ 22-ءسى كۇنى شاۆكات ميرزيەەۆ پارلامەنتتىڭ قوس پالاتاسىنا جاساعان جولداۋىندا ەكس-مينيستر ادحام احمەتوۆتى قاتاڭ سىنعا العان بولاتىن. وندا ول: «سىزدەر بىلەسىزدەر مە قازىر بۇرىنعى ىشكى ىستەر ءمينيسترىنىڭ قايدا جۇرگەنىن؟! مەنىڭ ارىم ونىڭ وزبەكستان ءمينيسترى بولا تۇرا ساتقىندىق جاساپ ءبىر توپقا قوسىلعانىن قابىلداي المادى. مەن ەكى گەنەرالدىڭ پاگونىن شەشىپ العانمىن. گەنەرال-لەيتەنانت سىماقتار» - دەپ مالىمدەگەن.

“The Qazaq Times”