"S5+1" ıntımaqtasıq josparı biraz uaqıt jwmıs isteui mümkin, biraq onıñ nätijesi qarapayım boladı. AQŞ-tıñ bwrınğı prezidenti Djordj Buştıñ Resey men Euraziya jönindegi keñesşisi bolğan, Kissinger Associates kompaniyasınıñ direktorı Tomas Grem osılay mälimdedi, dep habarlaydı "Evraziya Ekspert".
Amerikalıq sayasattanuşınıñ sözinşe, "S5+1" formatı - AQŞ-tıñ Ortalıq Aziya elderimen ıntımaqtastıqtı nığaytuğa bağıttalğan şaralarınıñ biri. Äri bwl format "aymaq elderiniñ problemaları wqsas, olardıñ ekonomikalıq damuı halıqtıñ ärbir elge emin-erkin kire aluımen jäne memleketter arasındağı aqparat pen tauar almasu arqılı wtımdı bolıp otır" degen pikirge negizdelgen.
"Format biraz uaqıt jwmıs isteui mümkin, biraq onıñ nätijesi qarapayım boladı. Ortalıq Aziya qazirgi kezde AQŞ-tıñ bastı maqsattarınıñ biri emes", - deydi Tomas Grem.
Ayta keteyik, QR prezidenti Nwrswltan Nazarbaev AQŞ-qa saparlamastan bwrın Reseydiñ Sırtqı ister ministri Sergey Lavrov "S5+1" jobası Resey men Ortalıq Aziya elderi arasındağı qarım-qatınastı bwzuğa bağıttalğan" degen pikir bildirgen edi. Al Grem bolsa "Reseydiñ bwl qorqınışı orınsız, AQŞ Ortalıq Aziya elderiniñ egemendigin qoldaydı jäne osı elderdi älemdik ekonomikağa integraciyalanğanın qalaydı" degen pikir bildirdi.
"Degenmen Uaşingtondağı keybir küşter Mäskeuden öñirlerdi tartıp alğısı keletin şığar, biraq AQŞ bwğan asa küş jwmsamaydı. Bwl öñirlerdegi Qıtaydıñ belsendiligi Euraziyalıq ekonomikalıq odaq sayasatı nemese "Bir beldeu, bir jol" strategiyalıq bağdarlamasınıñ üylesuine qaramastan Resey üşin äldeqayda qauipti. EAEO - protekcionizmge negizdelgen ekonomikalıq damu bağdarlaması, al qıtaydıñ bastaması Euraziya aymağındağı ekonomikanı integraciyalauğa bağıttalğan. Bwl bir-birine qarama-qarsı maqsat", - deydi ol.
Amerikalıq sayasattanuşınıñ sözinşe, Ortalıq Aziya memleketteri, äsirese Qazaqstan men Özbekstan öz aymağında AQŞ-tıñ ıqpalı bolğanın qalaydı. Sebebi atalğan elder Qıtay men Resey siyaqtı körşi derjavamen jwmıs isteuge mäjbür bolğandıqtan, AQŞ olarğa manevr üşin ülken mümkindik beredi.
"AQŞ bwl öñirden ketpeydi, äsirese Auğanstandağı öziniñ äskeri operaciyasın ayaqsız qaldırmaydı. Alayda bwl aymaqta Amerika belsendiliginiñ arta qoyuı ekitalay. Öytkeni bwl wlttıq qauipsizdik jönindegi amerikalıq wstanımğa kirmeydi", - deydi ol.
Ayta keteyik, 16 qañtarda QR prezidenti Nwrswltan Nazarbaev pen AQŞ basşısı Donal'd Tramp Uaşingtondağı kezdesu kezinde "S5+1" sındı öñirlik ıntımaqtastıq formattarın paydalanu arqılı Ortalıq Aziyadağı problemalarğa nazar audaruğa dayındıqtarı turalı pikir almasqan edi.
Qosay Mahambaev: oq tigen adamdı qwtqaram degende özimdi atıp tastadı
Redidenciya sotı. Serik Kekilbaev: Meniñ äreketterimde qılmıstıñ qwramı joq
Karaneev: Tağılğan ayıptıñ eşqaysısın moyındamaymın
rezidenciya isindegi sud'ya men belsendiniñ aytısı
9 aydıñ işinde Almatı men Jetisu oblıstarında qwrılısı ayaqtalğan joldardan 481 aqau anıqtalğan
Otanğa oralğan qandas beyimdelui nemese Qandastar men Qazaqstandağı migranttardı aqparattıq qoldau jäne äleumettik beyimdeudiñ media-strategiyası
