Pablo-Picasso_1904

Öziniñ ömirin de  suretke aynaldıra bilgen jiırmasınşı jüz jıldıqtıñ eñ wlı suretşisi Pikasso, önerde özgeşe körkemdik obraz ben forma jasap,  öner kökjiegine asqan sezimtaldıqpen  qol soza bildi.  Öziniñ wmıtılmas beynesin el esinde qaldırdı

Pikasso1881 jılı 25 qazanda Ispaniyanıñ Malage qalasında düniege kelip, 1897 jılı Madird qalasındağı öner akademiyasına oquğa tüsedi. Biraq, odan özine qajetti bilimdi ala almaytının erte tüsingen ol, Barselonağa ketip qaladı.Öziniñ tübinde wlı suretşi bolatınına şeksiz sengen  onıñ  jası, sol kezde nebäri  on altıda bolatın.

Alğaşında suretterin bürkenşik  atpen jariyalap, asqan tabandılıqpen şığarmaşlıq jolın Parijde jalğaudı şeksiz armandaydı. Aytqanday-aq, 1900 jılı Parij qalasına kelgen. Arağa tört jıl salıp, jwrtqa suretşi retinde tanıla bastaydı.  Ol suret önerindegi alğaşqı qadamın solğın,mköñilsiz, suıq  kökşil reñderge boyap bastasa, köp ötpey boyauların qızğıltım reñderge almastıradı.  Onıñ  şığarmaşılığındağı geometriyalıq beynelerdiñ köñilge ürey, jäne qorqınış wyalata otırıp, twrpayı jalañaş denelerdi jazıp, sezim men pişinniñ üylesimdigin kartinalarında şeber orındaydı. Sonımen qatar zattardıñ kölemin ülkeytip, keneptegi jazıqtıqtıñ şetin qiya otırıp, keñistikke jalğaydı. Bwdan keyingi özgerisi onı özin älemge tanımal etken kubizm stilimen jalğasın tabadı. Ol  jalğız özi oñaşalana jürip, türli wlttardıñ keskindemelik beynelerin  zerttep, ärtürli suretşilerdiñ mäselen, Tuluz Lotrektiñ, Gogenniñ jäne de grek  suretşileriniñ jwmıstarın öz şığarmaşlığına täjirbie jüzinde jasaydı. Onıñ kökşil nemese kögildir kezeñindegi jazğandarında, joqşılıq pen kedeyşiliktiñ jäne jezökşelerdiñ küyzelgen, şarşağan därmensiz beynesin izdep sızğanın anıq bayqata alsa, keyindep qızğıltım kezeñinde, qañğıbastar men cirkaçtardıñ ömirin beyneleydi.  Ol ömiriniñ soñına deyin  öziniñ şığarmaşılığına sınaqtar men zertteuler jasaumen bolğan. Onıñ şığarmaşığına tağı bir öşpes äserin tigizgen ülken mektep  onıñ jeke ömiri bolatın

Pikassonıñ danalıq sözderi

Tamaşa talğam- önerdiñ eñ soraqı dwşpanı.

Men  aqşası köp, kedey adam bolğım keledi.

Adamdar arasında tüpnwsqadan qarağanda, köşirmeler öte köp.

Qwstıñ salğan änin tüsinbey twrıp, önerdi tüsingisi keletinderge tañqalam.

Bäri de özgeruge qaqılı, tipti suretşi de.

Suret salu üşin, köziñdi jwmıp än aytu kerek.

Mahabbat- adamdı qayta qalpına keltiretin sezim.

Biz qartaymaymız, qayta jetilemiz.

Jaqsı suretşi köşiredi, al wlı suretşi wrlaydı.

Dayındağan: Türgenbwlaq

"The Qazaq Times"