پيكاسسو: جاقسى سۋرەتشى كوشىرەدى، ال ۇلى سۋرەتشى ۇرلايدى

ءوزىنىڭ ءومىرىن دە  سۋرەتكە اينالدىرا بىلگەن جيىرماسىنشى ءجۇز جىلدىقتىڭ ەڭ ۇلى سۋرەتشىسى پيكاسسو، ونەردە وزگەشە كوركەمدىك وبراز بەن فورما جاساپ،  ونەر كوكجيەگىنە اسقان سەزىمتالدىقپەن  قول سوزا ءبىلدى.  وزىنىڭ ۇمىتىلماس بەينەسىن ەل ەسىندە قالدىردى

پيكاسسو1881 جىلى 25 قازاندا يسپانيانىڭ مالاگە قالاسىندا دۇنيەگە كەلىپ، 1897 جىلى ماديرد قالاسىنداعى ونەر اكادەمياسىنا وقۋعا تۇسەدى. بىراق، ودان وزىنە قاجەتتى ءبىلىمدى الا المايتىنىن ەرتە تۇسىنگەن ول، بارسەلوناعا كەتىپ قالادى.ءوزىنىڭ تۇبىندە ۇلى سۋرەتشى بولاتىنىنا شەكسىز سەنگەن  ونىڭ  جاسى، سول كەزدە نەبارى  ون التىدا بولاتىن.

العاشىندا سۋرەتتەرىن بۇركەنشىك  اتپەن جاريالاپ، اسقان تاباندىلىقپەن شىعارماشلىق جولىن پاريجدە جالعاۋدى شەكسىز ارماندايدى. ايتقانداي-اق، 1900 جىلى پاريج قالاسىنا كەلگەن. اراعا ءتورت جىل سالىپ، جۇرتقا سۋرەتشى رەتىندە تانىلا باستايدى.  ول سۋرەت ونەرىندەگى العاشقى قادامىن سولعىن،مكوڭىلسىز، سۋىق  كوكشىل رەڭدەرگە بوياپ باستاسا، كوپ وتپەي بوياۋلارىن قىزعىلتىم رەڭدەرگە الماستىرادى.  ونىڭ  شىعارماشىلىعىنداعى گەومەتريالىق بەينەلەردىڭ كوڭىلگە ۇرەي، جانە قورقىنىش ۇيالاتا وتىرىپ، تۇرپايى جالاڭاش دەنەلەردى جازىپ، سەزىم مەن ءپىشىننىڭ ۇيلەسىمدىگىن كارتينالارىندا شەبەر ورىندايدى. سونىمەن قاتار زاتتاردىڭ كولەمىن ۇلكەيتىپ، كەنەپتەگى جازىقتىقتىڭ شەتىن قيا وتىرىپ، كەڭىستىككە جالعايدى. بۇدان كەيىنگى وزگەرىسى ونى ءوزىن الەمگە تانىمال ەتكەن كۋبيزم ستيلىمەن جالعاسىن تابادى. ول  جالعىز ءوزى وڭاشالانا ءجۇرىپ، ءتۇرلى ۇلتتاردىڭ كەسكىندەمەلىك بەينەلەرىن  زەرتتەپ، ءارتۇرلى سۋرەتشىلەردىڭ ماسەلەن، تۋلۋز لوترەكتىڭ، گوگەننىڭ جانە دە گرەك  سۋرەتشىلەرىنىڭ جۇمىستارىن ءوز شىعارماشلىعىنا تاجىربيە جۇزىندە جاسايدى. ونىڭ كوكشىل نەمەسە كوگىلدىر كەزەڭىندەگى جازعاندارىندا، جوقشىلىق پەن كەدەيشىلىكتىڭ جانە جەزوكشەلەردىڭ كۇيزەلگەن، شارشاعان دارمەنسىز بەينەسىن ىزدەپ سىزعانىن انىق بايقاتا السا، كەيىندەپ قىزعىلتىم كەزەڭىندە، قاڭعىباستار مەن تسيركاچتاردىڭ ءومىرىن بەينەلەيدى.  ول ءومىرىنىڭ سوڭىنا دەيىن  ءوزىنىڭ شىعارماشىلىعىنا سىناقتار مەن زەرتتەۋلەر جاساۋمەن بولعان. ونىڭ شىعارماشىعىنا تاعى ءبىر وشپەس اسەرىن تيگىزگەن ۇلكەن مەكتەپ  ونىڭ جەكە ءومىرى بولاتىن

پيكاسسونىڭ دانالىق سوزدەرى

تاماشا تالعام- ونەردىڭ ەڭ سوراقى دۇشپانى.

مەن  اقشاسى كوپ، كەدەي ادام بولعىم كەلەدى.

ادامدار اراسىندا تۇپنۇسقادان قاراعاندا، كوشىرمەلەر وتە كوپ.

قۇستىڭ سالعان ءانىن تۇسىنبەي تۇرىپ، ونەردى تۇسىنگىسى كەلەتىندەرگە تاڭقالام.

ءبارى دە وزگەرۋگە قاقىلى، ءتىپتى سۋرەتشى دە.

سۋرەت سالۋ ءۇشىن، كوزىڭدى جۇمىپ ءان ايتۋ كەرەك.

ماحاببات- ادامدى قايتا قالپىنا كەلتىرەتىن سەزىم.

ءبىز قارتايمايمىز، قايتا جەتىلەمىز.

جاقسى سۋرەتشى كوشىرەدى، ال ۇلى سۋرەتشى ۇرلايدى.

دايىنداعان: تۇرگەنبۇلاق

"The Qazaq Times"