"Ospan batır" Esenğali Sadırbaevtıñ tuındısı. Foto: QT.

4 qırküyek küni Almatı qalasındağı Ä. Qasteev atındağı Qazaq memlekettik öner mwrajayında «Twran romantizmi» attı suret körmesi aşıldı. Körmege qoyılğan tuındılar ötken ğasırdağı qazaq wltazattıq qozğalısınıñ jetekşisi Ospan batırdı taqırıp etken. Atalğan şaranı «Er Jänibek» halıqaralıq qoğamdıq qorı men «TURAN-QAZAQ» suretşiler konsolidaciyası» birlese wyımdastırğan.

T. Jürgenov atındağı Qazaq wlttıq öner akademiyasınıñ rektorı Aqan Äbduäliev bastau sözin söyledi. Foto: QT.

Ospan batır Silämwlınıñ tuğanına 120 jıl toluına oray ötkizilip otırğan şaranı «Er Jänibek» qorınıñ qwrmetti prezidenti, m.ğ.d. akademik Maqswt Temirbaev, T. Jürgenov atındağı Qazaq wlttıq öner akademiyasınıñ rektorı, Aqan Äbduäliev, «Er Jänibek» qorınıñ prezidenti Jeñis Türkiya, A. Qasteev atındağı öner mwrajayınıñ direktorı Gülmira Şalabaeva jäne «TURAN-QAZAQ» suretşiler konsolidaciyası» jetekşisi Janarbek Beristenov qatarlı är sala ökilderi bastap aştı. Şaranıñ aşıluına ziyalı qauım ökilderimen birge, öner süyer şoğırlı qauım jinaldı.

Estay Daubaev bastağan birqatar önerpazdar "Twran" sıylığımen marapattaldı. Foto: QT

Ospan batır beynesi bwğan deyin poeziya, proza, dramaturgiya sındı ädebiet pen önerdiñ birqatar salasında nasihattalğan. Bwl batır esiminiñ beyneleu önerinde alğaş ret keñ kölemdi nasihattaluı. Körmege 50-den astam qılqalam şeberleri qatısqan. 100-den asa jaña tuındılar qoyılğan.

"Ospan batır" Tölegen Süleymenovtıñ tuındısı. Foto: QT.

Ayta keteyik, körme 25 qazanğa deyin jalğasadı. «Er Jänibek» qorı jäne «TURAN-QAZAQ» suretşiler konsolidaciyası» jağınan jariyalanğan qomaqtı jülde qorı bar. Körmege qoyılğan tuındılardı arnayı qazılar alqası saraptay otırıp 25 qazan küni jüldegerler anıqtalıp, jariya etilmek.

Körmeniñ aşıluına Ospan batır men Zuqa batırdıñ wrpaqtarı qatıstı. Foto: QT.

“The Qazaq Times”