QR Worğanıs ministrliginiñ ğimaratı. Foto: 24.kz

"Atameken"  WKP käsipkerlerdiñ qwqığın qorğau jäne sıbaylas jemqorlıqqa qarsı küres boyınşa keñes otırısında memlekettik organdardıñ zañğa qarsı äreketteri talqığa salındı, dep habarlaydı WKP baspasöz qızmeti.

Otırıs kezinde birinşi mäsele boyınşa män-jaydı «Atameken» QR WKP Käsipkerler qwqığın qorğau departamenti direktorı Oleg Savelenko tüsindirgen. Onıñ sözinşe, 2016 jıldıñ jeltoqsan ayınıñ soñına qaray  QR Qorğanıs ministrligi käsipkerlermen  bwrın jasalğan negizgi şarttar boyınşa qosımşa kelisimderge qol qoyğan.

"Kelisim boyınşa 2017 jıldıñ qañtar ayınan bastap aqpan ayına deyingi kezeñde, yağni bayqau proceduraları şeşilgenşe, käsipkerler äskeri bölimşelerge äskeri qızmetşilerdi tamaqtandıruğa mindetteldi. Alayda, qızmet körsetu jasalğan soñ QR Qorğanıs ministrligi orındalğan jwmıs aktilerine qol qoyudan jäne käsipkerlerge jasalğan qızmetteri boyınşa aqşa töleuden bas tarttı, saldarınan biznes qarjılıq şığınğa batıp otır", – deydi Oleg Savelenko.

Al memlekettik organ öziniñ bwl äreketin  şarttıñ qazınaşılıq organdarda uaqıtında tirkelmegendigimen tüsindiredi.

WKP mälimetinşe, osınıñ saldarınan şart talaptarı bwzılıp, käsipkerler aytarlıqtay qarjılıq tığırıqqa wşırağan. Qazirgi tañda şamamen 200 mln teñge köleminde şığınğa batqan 11 şağın jäne orta biznes sub'ektisi jayında mälimet bar. Osı rette keltirilgen şığın qızmet körsetu boyınşa tölenbegen somamen ğana emes, sonday-aq qızmetkerlerge uaqıtında eñbekaqını beruge, salıq töleuge, nesie öteuge de kedergi etip otır.

Osılayşa Astana qalasınığı Advokattar alqasınıñ advokatı Mwhtar Qojahmetov Astana sotınıñ käsipkerlerdi qoldağanın jetkizip, qazınaşılıq organdarğa joğarıda aytılğan mäselege nazar audaru kerek ekenin ayttı Sonday-aq, ol osınday mäsele bolmau üşin kelisimderdi türkeu boyınşa işki baqılaudı nemese basqa proceduralardı küşeytudi wsındı.

“The Qazaq Times"