Foto: https://www.bestnews.kz

Qorğanıs ministri Nwrlan Ermekbaev Arıstağı jarılıstıñ ıqtimal sebebin atap, oq-däriler saqtalıp kelgen äskeri bölim turalı mälimet berdi. 

Ministrdiñ aytuınşa, aymaqta tağı eki äskeri bölim bar. Eşqanday qauip tuğızbaytındıqtan, bölimder jwmısı jalğasadı. Joyılmağan oq-däriler Qazaqstannıñ basqa aumaqtarına jetkiziledi. Arıstağı arsenal tehnikalıq twrğıdan joğarı deñgeyde bolğandıqtan, apat sebepteri de ärtürli. Qazirgi boljamğa säykes pikir bildirgen N.Ermekbaev: «Oqiğanıñ sebebi ärtürli boluı mümkin: elektr jelisiniñ twyıqtaluı, jarılğış zattağı himiyalıq reakciya, diversiya, basqa zattıñ tüsip ketui, şöptiñ örtenui. Ne degenmen, Arıstağı arsenal tehnikalıq twrğıdan eñ jaqsı jaraqtandırılğan edi. Qauipsizdik şaraları qatañ saqtaldı. Ötken jılı jaña jüye, tehnikalıq qwrılğılar ornatılıp, küzetpen qamtamasız etilgen. Sırtqı perimetri men arsenaldıñ işki jağdayına qatıstı barlıq aqparat kelip tüsetin serverdi basqaru pul'ti boldı. Qoymağa kiru şektelgen. YAğni, mwnda barlıq qauipsizdik şaraları saqtalğan. Soñğı birneşe jılda qoymadan 30 mıñ tonnadan astam oq-däri şığarıldı», – dedi.

Ministr jarılıs sebebi men tergeu amaldarına qatıstı saualğa: «Barlıq nwsqalardı qarap jatırmız. Naqtı aytu qiın. Degenmen, birinşi küni-aq men özim bölim komandirimen jäne arsenal bastığımen  birge qoymanıñ işine kirdik, barlıq beynejazbalardı aldıq. Qazir tergeu tobı bwl jazbalardı tekserip jatır. Tergeu jürgiziledi. Öz mindetterin dwrıs orındamağan nemese qatelikke boy aldırğan lauazımdı twlğalardıñ kinäsi anıqtalıp, qatañ jazağa tartıladı. Biraq bügingi tañda erejeni bwzu sipattarın körip otırğan joqpız», – dep jauap berdi.

24 mausımda Arıs qalasındağı äskeri qomalardıñ birinde jarılıs bolğan. Saldarınan eki adam qaza tauıp, 165 adam medicinalıq kömekke jügindi. Arıstağı äskeri bölimşe aumağındağı oq-däri qoymasında jarılıstar tıyılıp, 228 mausımnan bastap twrğındar üylerine qaytarıldı. Qorğanıs  ministrligi Arıs qalasınıñ aumağın jarılmay qalğan oq-därilerden tazartu üşin arnayı saperler tobın qwrğan.

"The Qazaq Times"