Foto: gazeta "Liter"

«Atameken» QR Wlttıq käsipkerler palatası Qazaqstan-Qırğıstan arasındağı kedendik mäselege qatıstı pikirin bildirdi. 

«Bolıp jatqan jağday adal emes bäsekeni tudırıp, zañğa bağınğan otandıq biznes-qoğamdastıqtıñ müddesin bwzıp otır. Bwl olqılıq EAEO jwmıs isteu ayasında mülde bolmauı kerek. Euraziyalıq ekonomikalıq odaqtıñ negizgi qağidaları – ol tauarlardıñ birıñğay narığın qwrıp, tauaralradıñ odaq aumağında erkin tasımaldauın qamtasız etu», – dedi «Atameken» QR WKP Basqaruşı direktorı Dina Mamaşeva.

Onıñ aytuınşa, «Atameken» Wlttıq käsipkerler palatası qosımşa baqılau qazaqstandıq käsipkerlerdi baqılauğa emes, eki eldiñ kedendik qızmetin jaqsartuğa, aqparat almasuğa bağıttaluı kerek. Osığan baylanıstı, birinşi kezekte qazaqstandıq käsipkerler zardap şegetinin eskersek, Wlttıq palata eki taraptı Euraziyalıq ekonomikalıq odaqtıñ qwqıqtıq negizderi ayasında  jwmıs isteuge şaqıradı.

«Säykes normalar qajetti aqparattıq almasu, onıñ işinde elektrondıq deklaraciyalau, aldına ala aqparattı elektrondı türde jiberu, EAEO memleketteri kedendik organdarı arasında aqparattıq ıntamqtastıq, EAEO memleketteri kedendik organdarınıñ özara äkimşilik kömegi EAEO Kedendik kodeksinde naqtı körsetilgen äri bwl qwjat QR Parlamenti Mäjilisimen maqwldanğan. Atalğan qwjat 2018 jıldıñ 1 qañtarınan bastap küşine enedi», – dep mälimdedi Dina Mamaşeva.

Ayta keteyik, soñğı bir ay işinde qazaq-qırğız arasında sayasi, ekonomikalıq jağday şielenise tüsti. Äsirese keden mäselesi tek biliktegilerdiñ ğana emes, qarapayım halıqtıñ da aşuın tuğızıp otır.

“The Qazaq Times”