Ortalıq Aziya elderiniñ basşıları naurız ayında twñğış ret Astana qalasında bas qosadı – dep habarlaydı SA-portal aqparat közi Täjikstan prezident äkimşiligine silteme jasap.

SA-portal mälimetinşe, naurız merekesi qarsañında Astana qalasında ötetin Ortalıq Aziya elderi basşılarınıñ sammitin wyımdastıruğa Qazaqstan prezidenti Nwrswltan Nazarbaev pen Özbekstan basşısı Şavkat Mirzieev mwrındıq bolğan. Bes eldiñ prezidentteriniñ basın qosatın sammitte Qazaqstan basşısı Nwrswltan Nazarbaev törağalıq etedi.

Esteriñizge salayıq, bwğan deyin Nwrswltan Nazarbaev «Astana klubınıñ» üşinşi otırısında Ortalıq Aziya elderi jayında mälimdeme jasağan bolatın. Onda ol: «Bizdiñ tarihımız, dinimiz, mädenietimiz bir. Qwday bizge bir-birimizge kömektesuge, aymaq qauipsizdigin qamtamasız etuge, birge boluğa jazdı. Qazir osığan baylanıstı Özbekstanda köptegen özgerister bolıp jatır. Men bwnı sırttay baqılap otırmın. Osı jwmıstardıñ nätijesinde Qazaqstan men Özbekstan arasındağı sauda aynalımı 30 payızğa östi. Eki eldiñ halqı aralasuda. Biz qolımızdan kelgenşe kömektesudemiz. Bwnday özgerister Täjikstanda da, Türkimenstanda da jürgizilude. Jaqında Qırğızstanda prezident saylauı ötti. Men Ortalıq Aziya bolaşağına ülken senimmen qaraymın. Biz birge boluımız kerek. Bizdi qwday qosqan. Bwl bireuge qarsı birigu emes, bwl bizdiñ memleketterimizdiñ damuı men halqımızdıñ bolaşağı üşin birigu» - degen.

Al Özbekstan prezidenti Şavkat Mirzieev Samarqant qalasında ötken halıqaralıq konferenciyada: «Ortalıq Aziya elderiniñ tarihı, dini, dästüri bir. Bizdiñ mıñdağan jıldıq tarihımız bar. Biz Euraziyanıñ jüregimiz. Özbekstan Ortalıq Aziyanıñ damuı üşin körşilerimen birigip jwmıs isteuge qaşan da dayın. Ortalıq Aziyadağı 70 million halıqtıñ bügini men erteñi aymaqtağı memleketterge baylanıstı» - dep mälimdegen.

“The Qazaq Times”