2018 jılğı 23 qañtarda Amsterdam qalası Okrugtik sotı Bank of New York Mellon bankiniñ kastodialdıq saqtauındağı Wlttıq qordıñ aktivterinen şekteudi joyu jönindegi Qazaqstan Respublikası Wlttıq bankiniñ ötinişhatın qanağattandırdı, dep habarlaydı QR Ädilet ministrligiñ resmi saytı. 

"Sot Wlttıq banktiñ jäne proceste üşinşi tarap retinde qatısqan Qazaqstan Respublikası Ädilet ministrliginiñ wstanımın moyındap, Wlttıq qorğa qol swğılmaytındağın mälimdedi", - delingen baspasöz habarlamasında.

Ministrliktiñ mälimetinşe, Niderlandınıñ sot organdarı bwdan bwrın Statige däl osı aktivterge şekteu qoyudan bas tartqan bolatın. Stati bwl faktilerdi jasıra otırıp, sottı jañılıstırğan.

Sonımen qatar, sot Statige qazaqstandıq tarapqa sot şığındarın öteuin wyğardı.

Bel'giyanıñ sot organdarı da osınday aldın ala şekteu qoydı. Oğan şağım jasau jönindegi jwmıs belgilengen tärtipte jalğastırıluda.

Ayta keteyik, 2017 jıldıñ soñında  amerikalıq Bank of New York Mellon Qazaqstan Wlttıq qorınıñ 22 mlrd dollarına bwğat qoyğan edi. Banktiñ mwnday şeşim qabıldauına moldovalıq biznesmen Anatoliy Statidiñ Qazaqstanğa qatıstı arızı sebep bolğan.

“The Qazaq Times”