Qazaqstan Wlttıq qorınıñ 22,6 milliard dollar qarjısı bwğattan şığarılğan joq – dep habarlaydı Cision aqparat közi.

Aqpan ayınıñ 11-i küni Cision aqparat közine Qazaqstan Wlttıq qorınıñ bwğattalğan 22,6 milliard dollar qarjısına baylanıstı moldavalıq oligarh Anatoliy Stati men onıñ wlı Gabriel' pikir bergen. Onda olar: «Qazaqstan qarjısına Bryussel'diñ birinşi satıdağı sotınıñ şeşimi boyınşa bwğat salındı. Bwl şeşim Bryussel' sotı atalmış qılmıstıq isti tolıqtay qarap şıqqanşa öz küşinde qaladı. Qazaqstan tarapınıñ türli mälimdemeleri men Amsterdam sotınıñ şığarğan şeşimi bwğattıñ zañdıq küşine äser etpeydi» - degen.

Esteriñizge salayıq, 2017 jıldıñ jeltoqsan ayında AQŞ-tıñ "Bank of New York Mellon" banki sot şeşimi boyınşa Qazaqstan Wlttıq qorına tiesili 22,6 milliard dollar qarjısın bwğattağan. Keyinnen bank baspasöz qızmeti Qazaqstan qarjısınıñ bwğattaluına moldavalıq oligarh Anatoliy Statidiñ arızı sebep bolğanın mälimdegen. Qañtar ayınıñ ortasında Nwrswltan Nazarbaevtıñ AQŞ-qa is-saparınan keyin, BAQ betterinde «Bank of New York Mellon» bankindengi Wlttıq qor qarjısınıñ bwğattan şığarılğandığı jöninde aqparat tarağan.

“The Qazaq Times”