2018 جىلعى 23 قاڭتاردا امستەردام قالاسى وكرۋگتىك سوتى Bank of New York Mellon بانكىنىڭ كاستوديالدىق ساقتاۋىنداعى ۇلتتىق قوردىڭ اكتيۆتەرىنەن شەكتەۋدى جويۋ جونىندەگى قازاقستان رەسپۋبليكاسى ۇلتتىق بانكىنىڭ ءوتىنىشحاتىن قاناعاتتاندىردى، دەپ حابارلايدى قر ادىلەت مينيسترلىگىڭ رەسمي سايتى. 

"سوت ۇلتتىق بانكتىڭ جانە پروتسەستە ءۇشىنشى تاراپ رەتىندە قاتىسقان قازاقستان رەسپۋبليكاسى ادىلەت مينيسترلىگىنىڭ ۇستانىمىن مويىنداپ، ۇلتتىق قورعا قول سۇعىلمايتىنداعىن مالىمدەدى", - دەلىنگەن ءباسپاسوز حابارلاماسىندا.

مينيسترلىكتىڭ مالىمەتىنشە، نيدەرلاندىنىڭ سوت ورگاندارى بۇدان بۇرىن ستاتيگە ءدال وسى اكتيۆتەرگە شەكتەۋ قويۋدان باس تارتقان بولاتىن. ستاتي بۇل فاكتىلەردى جاسىرا وتىرىپ، سوتتى جاڭىلىستىرعان.

سونىمەن قاتار، سوت ستاتيگە قازاقستاندىق تاراپقا سوت شىعىندارىن وتەۋىن ۇيعاردى.

بەلگيانىڭ سوت ورگاندارى دا وسىنداي الدىن الا شەكتەۋ قويدى. وعان شاعىم جاساۋ جونىندەگى جۇمىس بەلگىلەنگەن تارتىپتە جالعاستىرىلۋدا.

ايتا كەتەيىك، 2017 جىلدىڭ سوڭىندا  امەريكالىق Bank of New York Mellon قازاقستان ۇلتتىق قورىنىڭ 22 ملرد دوللارىنا بۇعات قويعان ەدى. بانكتىڭ مۇنداي شەشىم قابىلداۋىنا مولدوۆالىق بيزنەسمەن اناتولي ءستاتيدىڭ قازاقستانعا قاتىستى ارىزى سەبەپ بولعان.

“The Qazaq Times”