Özbekstan ükimeti 52 adamnıñ ömirin qiğan Qazaqstandağı jolauşılar avtobusındağı örttiñ şığu sebepterin atadı.

Jergilikti BAQ ökilderiniñ mälimetinşe, Özbekstan ükimeti qañtar ayınıñ 18-i küni Qazaqstan aumağında bolğan qayğılı oqiğağa baylanıstı resmi mälimdeme jasağan. Onda 52 adamnıñ ömirin qiğan jolauşılar avtobusında bolğan örttiñ şığu sebepterine özindik bağa berilgen. Özbekstan qwzırlı organdarınıñ tekserui boyınşa, jolauşılar avtobusında ört tehnikalıq aqaulardıñ saldarınan bolğan. Avtobusta jılıtu qwrılğıları men ört söndiru jabdıqtarı jwmıs istemegen jäne avtobusqa şamadan tıs jük tielegen. Bwdan bölek avtobusta qarapayım qauipsizdik erejeleri eskerilmegen.

Esteriñizge salayıq, bwğan deyin Qazaqstan İşki ister ministrligi avtobustağı örttiñ şığu sebepterin jolauşılardıñ avtokölik salonında jılınu maqsatında qızdırğış qwraldarın paydalanuımen baylanıstırğan bolatın. Bwdan bölek tekseru barısında avtobustıñ jolauşılardı tasmaldauğa arnalğan arnayı licenziyasınıñ joqtığı anıqtalğan.

“The Qazaq Times”