وزبەكستان ۇكىمەتى 52 ادامنىڭ ءومىرىن قيعان قازاقستانداعى جولاۋشىلار اۆتوبۋسىنداعى ءورتتىڭ شىعۋ سەبەپتەرىن اتادى.

جەرگىلىكتى باق وكىلدەرىنىڭ مالىمەتىنشە، وزبەكستان ۇكىمەتى قاڭتار ايىنىڭ 18-ءى كۇنى قازاقستان اۋماعىندا بولعان قايعىلى وقيعاعا بايلانىستى رەسمي مالىمدەمە جاساعان. وندا 52 ادامنىڭ ءومىرىن قيعان جولاۋشىلار اۆتوبۋسىندا بولعان ءورتتىڭ شىعۋ سەبەپتەرىنە وزىندىك باعا بەرىلگەن. وزبەكستان قۇزىرلى ورگاندارىنىڭ تەكسەرۋى بويىنشا، جولاۋشىلار اۆتوبۋسىندا ءورت تەحنيكالىق اقاۋلاردىڭ سالدارىنان بولعان. اۆتوبۋستا جىلىتۋ قۇرىلعىلارى مەن ءورت ءسوندىرۋ جابدىقتارى جۇمىس ىستەمەگەن جانە اۆتوبۋسقا شامادان تىس جۇك تيەلەگەن. بۇدان بولەك اۆتوبۋستا قاراپايىم قاۋىپسىزدىك ەرەجەلەرى ەسكەرىلمەگەن.

ەستەرىڭىزگە سالايىق، بۇعان دەيىن قازاقستان ىشكى ىستەر مينيسترلىگى اۆتوبۋستاعى ءورتتىڭ شىعۋ سەبەپتەرىن جولاۋشىلاردىڭ اۆتوكولىك سالونىندا جىلىنۋ ماقساتىندا قىزدىرعىش قۇرالدارىن پايدالانۋىمەن بايلانىستىرعان بولاتىن. بۇدان بولەك تەكسەرۋ بارىسىندا اۆتوبۋستىڭ جولاۋشىلاردى تاسمالداۋعا ارنالعان ارنايى ليتسەنزياسىنىڭ جوقتىعى انىقتالعان.

“The Qazaq Times”