Ortalıq Aziya elderiniñ aldına oñtüstik nemese soltüstik ekeuiniñ bireuin tañda degen jalğan tañdau qoyudıñ qajeti joq – dep mälimdedi Resey Sırtqı ister ministri Sergey Lavrov.

Sergey Lavrov Ortalıq Aziya elderine qatıstı BWW-nıñ Qauipsizdik Keñesinde söylegen sözinde: «Ortalıq Aziya elderiniñ aldına oñtüstik nemese soltüstik ekeuiniñ bireuin tañda degen jalğan tañdau qoyudıñ qajeti joq. Aymaqqa barlıq jaqpen jan-jaqtı äriptestik ornatu qajet jäne atalmış elderdiñ TMD, EAEO, ŞIW şeñberindegi mindettemelerin qwrmetteu kerek» - degen.

Esteriñizge salayıq, bwğan deyin Sergey Lavrov Qazaqstan prezidenti Nwrswltan Nazarbaevtıñ Uaşingtonğa resmi is-saparı qarsañında AQŞ pen Ortalıq Aziya elderine eskertu jasağan bolatın. Onda ol: «Eger bizdiñ amerikalıq äriptesterimiz bizdiñ ortalıq aziyalıq dostarımızben kezdesuinde ekonomika emes geosayasat twrğısında kelissöder jürgizetin bolsa, onda olardıñ barlığı bwnıñ jaqsılıqqa aparmaytının köretin boladı» -dep mälimdegen.

“The Qazaq Times”