ورتالىق ازيا ەلدەرىنىڭ الدىنا وڭتۇستىك نەمەسە سولتۇستىك ەكەۋىنىڭ بىرەۋىن تاڭدا دەگەن جالعان تاڭداۋ قويۋدىڭ قاجەتى جوق – دەپ مالىمدەدى رەسەي سىرتقى ىستەر ءمينيسترى سەرگەي لاۆروۆ.

سەرگەي لاۆروۆ ورتالىق ازيا ەلدەرىنە قاتىستى بۇۇ-نىڭ قاۋىپسىزدىك كەڭەسىندە سويلەگەن سوزىندە: «ورتالىق ازيا ەلدەرىنىڭ الدىنا وڭتۇستىك نەمەسە سولتۇستىك ەكەۋىنىڭ بىرەۋىن تاڭدا دەگەن جالعان تاڭداۋ قويۋدىڭ قاجەتى جوق. ايماققا بارلىق جاقپەن جان-جاقتى ارىپتەستىك ورناتۋ قاجەت جانە اتالمىش ەلدەردىڭ تمد، ەاەو، شىۇ شەڭبەرىندەگى مىندەتتەمەلەرىن قۇرمەتتەۋ كەرەك» - دەگەن.

ەستەرىڭىزگە سالايىق، بۇعان دەيىن سەرگەي لاۆروۆ قازاقستان پرەزيدەنتى نۇرسۇلتان نازارباەۆتىڭ ۋاشينگتونعا رەسمي ءىس-ساپارى قارساڭىندا اقش پەن ورتالىق ازيا ەلدەرىنە ەسكەرتۋ جاساعان بولاتىن. وندا ول: «ەگەر ءبىزدىڭ امەريكالىق ارىپتەستەرىمىز ءبىزدىڭ ورتالىق ازيالىق دوستارىمىزبەن كەزدەسۋىندە ەكونوميكا ەمەس گەوساياسات تۇرعىسىندا كەلىسسودەر جۇرگىزەتىن بولسا، وندا ولاردىڭ بارلىعى بۇنىڭ جاقسىلىققا اپارمايتىنىن كورەتىن بولادى» -دەپ مالىمدەگەن.

“The Qazaq Times”