Şavkat Mirzieev Qazaqstan aumağında avtobustıñ örtenui saldarınan köz jwmğan azamattardıñ otbasılarına järdemaqı töleudi tapsırdı - dep habarladı Özbekstan prezidentiniñ baspasöz qızmeti.

Resmi Taşkent taratqan aqparat boyınşa, Şavkat Mirzieev el ükimetine Qazaqstannıñ Samara-Şımkent tas jolında örtke oranğan avtobustıñ işinde köz jwmğan 52 azamattıñ otbasılarına järdemaqı töleuge tapsırma bergen. Biraq Özbekstan prezidentiniñ baspasöz qızmeti taratqan aqparatta järdemaqınıñ qanday mölşerde bolatındığı jöninde eşqanday mälimet körsetilmegen. Bwğan deyin 20 qañtar küni Özbekstan Sırtqı ister ministrligi köz jwmğan azamattardıñ deneleri el aumağına arnayı wşaqpen jetkizilgendigi jöninde aqparat taratqan.

Esteriñizge salayıq, qañtar ayınıñ 18-i küni Aqtöbe obılısınıñ Irğız audanında Samara-Şımkent tas jolında 57 adam mingen avtobus örtke oranğan bolatın. Saldarınan kölik işinde bolğan 52 adam oqiğa ornında köz jwmğan. Qwqıq qorğau organdarınıñ mälimetinşe, köz jwmğandardıñ barlığı Özbekstan azamattarı.

“The Qazaq Times”