Jwmıs saparınıñ qorıtındısı boyınşa QR Prem'er-Ministriniñ birinşi orınbasarı Qızılorda oblısın damıtu mäseleleri jöninde keñes ötkizdi. Foto: primeminister.kz

A. Mamin «Bäyterek» qazaqstandıq-reseylik jobasın iske asıru barısı turalı esepti tıñdadı, onıñ ayasında Bayqoñır ğarış aylağındağı jerdegi ğarış infraqwrılımın jañğırtu josparlanğan. Atap aytqanda, «Zenit» ğarış zımıran keşenin. Sonday-aq, «Bayqoñır» keşeni nısandarın paydalanuğa qatıstı jwmıstardı atqaru jayı bayandaldı, dep habarlaydı «www.primeminister.kz» Qazaqstan Respublikasınıñ Prem'er-Ministriniñ Resmi saytı.

2016 jılğı jeltoqsanda QR Prezidenti Nwrswltan Nazarbaevtıñ Reseyge jwmıs saparı barısında kelesi qwjattarğa qol qoyılğan bolatın: «Bayqoñır» keşenindegi aldağı ıntımaqtastıq twjırımdaması jäne «1995 jılğı 23 jeltoqsandağı Bayqoñır qalasınıñ märtebesi jäne ondağı atqaruşı ökimet organdarın qwrudıñ tärtibi men olardıñ märtebesi turalı memleketaralıq Kelisimge QR memlekettik organdarınıñ tizimi böligine özgerister engizu turalı» Hattama.

«Twjırımdamanı orındau «Bayqoñır» keşenin damıtu boyınşa Qazaqstan men Resey ıntımaqtastığınıñ basımdıqtı bağıttarın eki memlekettiñ müddelerine say jüzege asıruğa mümkindik beredi, keşenniñ odan äri damuın perspektivalı josparlaudı qamtamasız etedi, sonday-aq jaña ortaq ğarıştıq jobalardı iske asıruğa mümkindik beredi», – dep basa ayttı A. Mamin.

Qızılordağa jwmıs saparı ayasında QR Prem'er-Ministriniñ birinşi orınbasarı «Nwr orda» jaña şağın audanında bolıp qayttı. Mwnda öñirdegi twrğın üy qwrılısınıñ barısı turalı esep berildi. «Öñirlerdi damıtudıñ 2020 jılğa deyingi» bağdarlaması boyınşa atalğan şağın audanda 20 köpqabattı üy twrğızılğan.

A. Mamin öñirdiñ bastı jılumen qamtu nısanı – Qızılorda JEO-nıñ jwmısımen tanısıp, atalğan nısandı jañğırtuğa baylanıstı bayandamanı tıñdadı.

Sonday-aq, Qazaqstandağı alğaşqı tabaq şını öndiretin zauıttıñ qwrılıs alañına bardı. Käsiporın biılğı jıldıñ ekinşi toqsanında paydalanuğa beriletin boladı. Mwnda jılına 200 mıñ tonna tabaq şını, energiya ünemdeuşi, künnen qorğaytın jäne köpfunkciyalı şını şığaru josparda bar.

Sonday-aq, A. Mamin Sırdariya özeniniñ sol jağalauındağı jaña köpirdi qarap şığıp, sol jaq jağalau aymağınıñ qwrılıs jobasımen tanıstı.

Jwmıs saparınıñ qorıtındısı boyınşa QR Prem'er-Ministriniñ birinşi orınbasarı Qızılorda oblısın damıtu mäseleleri jöninde keñes ötkizdi. Keñes barısında öñir äkimi Q. Köşerbaev bayandama jasadı. Ol 2016 jıldağı öñirdiñ äleumettik-ekonomikalıq damu qorıtındıları men 2017 jılı oblıstı damıtu perspektivaları turalı esep berdi.

"The Qazaq Times"