Aqın Serik Qapşıqbaywlı. Foto: QT.

Qazaq ädebieti tağı bir qayratkerinen ayrılıp otır. Aqın, jazuşı Serik Qapşıqbaywlı 15 qañtar küni dünieden ozdı. Sübeli ädebi şığarmalardıñ avtorı bolğan aytulı aqın biıl 83 jasta edi. Qayğılı qazağa oray aqınnıñ otbasına, ädebiettegi qalamdas joldastarına, külli qazaq jwrtına köñil aytamız.

Serik Qapşıqbaywlı – 1935 jılı QHR Tarbağatay jerinde tuğan. 1956 jılı Şınjañ institutınıñ Til-Ädebiet fakul'tetin tamamdap, "Şınjañ oqu-ağartu" jurnalında eñbek etken. 1957 jılı  "wltşıl" ayıbı tağılıp, 20 jıldan astam uaqıt sürginge wşırağan. 1979 jılı aqtalıp, atağı men qızmeti qalpına keltirilgen. «Jıldar arasında» attı şığarmasımen QHR Memlekettik sıylığın (1986 j.) alğan. «Jer basıp jürgender», «Künşığıs», «Joq», «Tas», «Jılqı işinde ala jür» t.b. eñbekterdiñ avtorı. 1994 jılı atamekenine kelip, şığarmaşılıq eñbek etken. El täuelsizdiginiñ 10 jıldığına oray arnayı medal'men marapattalğan.

“The Qazaq Times”