Foto: sk.kz

 «Samwrıq-Qazına» Wlttıq äl-auqat Qorı» AQ-nıñ jaña qwrılımı bekitildi. Şeşim boyınşa kompaniyanı basqaruşı direktorlar sanı eki esege qısqarğan. Bwl turalı kompaniyanıñ resmi saytında habarlandı. 

«Basqarma şeşimi boyınşa «Samwrıq-Qazına» Wlttıq äl-auqat Qorı» AQ jaña qwrılımı bekitildi. Jaña qwrılımğa säykes, basqaruşı direktorlar sanı 10-nan 5-ke deyin, departamentter men qwrılımdıq bölimşeler sanı 37-den 27-ge deyin qısqartıldı jäne basqarma törağasınıñ orınbasarı qızmetine bir ştattıq birligi engizildi», - delingen baspasöz habarlamasında.

Kompaniyanıñ mälimetinşe, qwrılımğa özgerister engizu - basqarudıñ oñtaylılığın (mobil'diligin)  jäne tiimdiligin arttıru, «Samwrıq-Qazına» WÄQ transformaciyası procesine tereñ üñilu, aktivterdi basqaruda satılı qwrılım engizu jäne Qor qwramına kiretin wlttıq kompaniyalardıñ ekonomikalıq tiimdiligin arttıru mindettemeleri ayasında qajet boldı.

Bwğan deyin atalğan kompaniyanıñ basqarma törağası qızmetine «Astana EKSPO-2017» Wlttıq kompaniyası» AQ-nı basqarğan Ahmetjan Esimov tağayındalğan.

Ayta keteyik, Ahmetjan Esimov «Astana EKSPO-2017» WK törağası bolıp tağayındalğan jılı da köp uaqıt ötpey jatıp-aq atalğan kompaniyanıñ basşılıq qwramın qısqartıp, sol kezde de  basqarma törağasınıñ orınbasarları men  basqaruşı direktorlardıñ sanın şektegen edi.

“The Qazaq Times”