«سامۇرىق-قازىنا» ۇلتتىق ءال-اۋقات قورى» اق-نىڭ جاڭا قۇرىلىمى بەكىتىلدى. شەشىم بويىنشا كومپانيانى باسقارۋشى ديرەكتورلار سانى ەكى ەسەگە قىسقارعان. بۇل تۋرالى كومپانيانىڭ رەسمي سايتىندا حابارلاندى.
«باسقارما شەشىمى بويىنشا «سامۇرىق-قازىنا» ۇلتتىق ءال-اۋقات قورى» اق جاڭا قۇرىلىمى بەكىتىلدى. جاڭا قۇرىلىمعا سايكەس، باسقارۋشى ديرەكتورلار سانى 10-نان 5-كە دەيىن، دەپارتامەنتتەر مەن قۇرىلىمدىق بولىمشەلەر سانى 37-دەن 27-گە دەيىن قىسقارتىلدى جانە باسقارما توراعاسىنىڭ ورىنباسارى قىزمەتىنە ءبىر شتاتتىق بىرلىگى ەنگىزىلدى»، - دەلىنگەن ءباسپاسوز حابارلاماسىندا.
كومپانيانىڭ مالىمەتىنشە، قۇرىلىمعا وزگەرىستەر ەنگىزۋ - باسقارۋدىڭ وڭتايلىلىعىن (موبيلدىلىگىن) جانە تيىمدىلىگىن ارتتىرۋ، «سامۇرىق-قازىنا» ۇاق ترانسفورماتسياسى پروتسەسىنە تەرەڭ ءۇڭىلۋ، اكتيۆتەردى باسقارۋدا ساتىلى قۇرىلىم ەنگىزۋ جانە قور قۇرامىنا كىرەتىن ۇلتتىق كومپانيالاردىڭ ەكونوميكالىق تيىمدىلىگىن ارتتىرۋ مىندەتتەمەلەرى اياسىندا قاجەت بولدى.
بۇعان دەيىن اتالعان كومپانيانىڭ باسقارما توراعاسى قىزمەتىنە «استانا ەكسپو-2017» ۇلتتىق كومپانياسى» اق-نى باسقارعان احمەتجان ەسىموۆ تاعايىندالعان.
ايتا كەتەيىك، احمەتجان ەسىموۆ «استانا ەكسپو-2017» ۇك توراعاسى بولىپ تاعايىندالعان جىلى دا كوپ ۋاقىت وتپەي جاتىپ-اق اتالعان كومپانيانىڭ باسشىلىق قۇرامىن قىسقارتىپ، سول كەزدە دە باسقارما توراعاسىنىڭ ورىنباسارلارى مەن باسقارۋشى ديرەكتورلاردىڭ سانىن شەكتەگەن ەدى.
نۇرايدىڭ ءولىمى: ەلەنبەگەن شاعىم مەن جاۋاپسىز قالعان قاۋىپ
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى