Şımkent qalası azamattarınıñ qwqığın qorğau, olardı jol-kölik oqiğalarınan qwtqaru jäne türli jaysızdıqtar men keleñsizdikterdiñ aldın aluda Qazaqstan Respublikası Wlttıq wlanınıñ Şımkent qalasındağı 6506 äskeri böliminiñ alatın ornı erekşe.
Bügin äskeri bölim komandirine joldağan hatında qala twrğını Abzaldaeva Swluşaş Tasbolatqızı üstimizdegi jıldıñ 23 qañtarı küni şamamen sağat 18:00 şamasında, B.Momışwlı köşesiniñ boyında öziniñ Danial esimdi 4 jasar nemeresinen köz jazıp qalğanın, izdep tappağan soñ, 102 nömirine telefon arqılı policiya qızmetkerlerine jäne sol mañda qızmette jürgen 6506 äskeri böliminiñ äskeri jasağın körip olarğa da bolğan män-jaydı aytıp tüsindirgenin, köp wzamay qızmettik it arqılı äskeri qızmetşilerdiñ nemeresin tauıp, özine tabıstağanın aytıp, şeksiz alğısın bildirgen.
Bolğan jayttı estigen patrul' tobınıñ bastığı serjant Jaqsıbaev Saparjan Jaqıpbekwlı jäne patrul'der qatardağı Seysenov Ğalımjan men Qwsayınov Daniyar säbidiñ jasın, kigen kiimderi men erekşe belgilerin swrap jatqanda kinologiya qızmetiniñ mamanı serjant Qabılbekov Temirbek oylanbastan apasınıñ qolında qalğan säbidiñ şarfın qızmettik it «Ral'fke» iisketip, onı şwğıl türde izge saladı. Sol mañdağı aulalardıñ birindegi temir garajdardıñ artında jılap twrğan balanı jwbatıp, äkelip Swluşaş apağa körsetkende, quanıştan apası közine alğan jasın jasıra almadı. «Osınday halqına jwmılıp, eline ezilip, qızmet etetin Wlttıq wlan jauıngerlerin ärqaşanda biik köretin boldım. Äskeri qızmetşilerdiñ tärtiptiligine, azamattarğa degen sıpayılıqtarına, ötinişimdi jerge tastamay jauapkerşilikpen qarağanına, nemeremdi aman-esen tauıp bergenine riza boldım. Osınday elimizdiñ qorğanı bolar jauıngerlerdi tärbielep otırğan 6506 äskeri bölim komandirine alğısım şeksiz!»-dedi.
«Elimizdiñ tınıştığı üşin atqarıp jürgen qızmetimdi maqtan twtamın. Äskeri qızmet – men üşin maqtanıp aytuğa layıqtı abroylı qızmet!» - deydi kinologiya qızmetiniñ mamanı serjant Qabılbekov Temirbek Säbithanwlı. Sonday-aq, öziniñ senimdi serigi «Ral'fke» de alğısın jasırmadı.
Halıqqa kömek qolın soza biletin Wlttıq wlannıñ osınday äskeri qızmetşileri aman bolsın, ärqaşan elimizde tınıştıq, tatulıq ornasın, kök Tuımız kögimizde jelbireybersin!
6506 äskeri böliminiñ klub bastığı kapitan Jwrınbaev Bekasıl Amanseyitwlı
“The Qazaq Times”
Şerzattıñ ölimi isine qatıstı qwpiya videonı jariyalau kimge kerek boldı? – Sarapşılar media sını
24 qazan – Kitaphanaşılar merekesi qwttı bolsın!
«Uçaskeden äruaqqa kök hat»: Almatıda marqwmğa kelgen şaqırtu
Komissiya men baqılauşı esebindegi ayırmaşılıq: Almatıda referendum qalay ötip jatır?
Qarağayğa qarsı bwtaq. Dumannıñ sot tergeui ayaqtaldı. 29 şilde jarıssöz.
Qosay Mahambaev: oq tigen adamdı qwtqaram degende özimdi atıp tastadı
