Foto: RIA Novosti / Konstantin Çalabov

Resey Prezidenti Vladimir Putin  Resey arqılı  Qazaqstan men Qırğızstanğa Ukrainadan tauar tasımaldauğa tıyım salu turalı jarlıqqa qol qoydı. Jarlıq 2018 jıldıñ 30 mausımına deyin küşinde boladı. Bwl turalı Ria Novosti aqparat agenttigi habarladı. 

Jariyalanğan qwjat boyınşa  Resey Federaciyası Prezidentiniñ 2016 jılğı 1 qañtardağı " Resey Federaciyası arqılı Ukrainanıñ  halıqaralıq tranzittik jük tasımalın Qazaqstan Respublikası nemese Qırğız Respublikasına ötkizu kezinde Resey Federaciyasınıñ ekonomikalıq qauipsizdigi men wlttıq müddelerin qamtamasız etu şaraları turalı» qaulısındağı "2017 jıldıñ 31 jeltoqsanına deyin" degen söz "2018 jıldıñ 30 mausımına deyin" dep özgerilgen.

Ayta keteyik, Resey 2016 jıldıñ 1 qañtarınan bastap eldegi kedendik baj stavkaları men "sankciyalar" tizimine engizilgen tauarlarğa baylanıstı Ukrainanıñ avtomobil' jäne temirjol  tranzitine tıyım salğan bolatın.

Al 2016 jılğı 1 şildeden bastap RF Prezidentiniñ jarlığına säykes, Resey aumağı arqılı Ukrainadan Qazaqstan men Qırğızstanğa baratın tauarlarğa tıyım salınğan. Osıdan keyin resmi Kiev Reseydi  "territoriyadan ötetin ukrainalıq tauarlarğa tosqauıl qoydı jäne DSW erejelerin bwzdı" dep ayıptadı.

“The Qazaq Times”