Foto: Azattıq radiosı

"Qazaqstan şekarasında äli künge deyin baqılau beketteri twr. Qırğızstan tasımaldauşıları odan ötu üşin 600 mıñ teñge töleui tiis" – dep mälimdedi Qırğızstan İskerlik qauımdastıqtar Wlttıq Al'yansı (İQWA) hatşılığınıñ meñgeruşisi El'vira Borombaeva.

Jeltoqsan ayınıñ 27-si küni İQWA ökilderiniñ käsipkerlermen kezdesuinde El'vira Borombaeva Qazaqstan men Qırğızstan arasındağı şekara dauı jayında mälimdeme jasağan. Ol onda: «Soñğı ret qazaq-qırğız şekarasında bolğan dağdarıs köptegen mäselelrdiñ tuındauına sebep bolğan. Biznesmender özderiniñ älsiz twstarın bildi. Biraq bwl mäselelerdi şeşu üşin memlekettik organdardıñ kömegi qajet. Biz aqparat soğısında jeñilip qaldıq. Qazaqstan tarapında bolğan zañ bwzuşılıqtarğa bizdiñ memlekettik organdar uaqıtında jauap bere alğan joq. Osınıñ saldarınan qırğızstandıq tasımaldauşılar zardap şegude. Qazaqstan şekarasında äli künge deyin baqılau beketteri twr. Tasımaldauşılar odan ötu üşin bwrın 300 mıñ teñge berse, qazir 600 mıñ teñge beredi. Biz jaqında kezekti sotta jeñilis taptıq. Bwl jerde bizge memlekettik organdardıñ kömegi qajet» - degen.

Esteriñizge salayıq, jeltoqsan ayınıñ 25-si küni Astanağa Qırğızstan prezidenti Sooronbay Jeenbekov resmi is-saparmen kelgen. İs-sapar barısında ol Nwrswltan Nazarbaevpen kezdesip, qazaq-qırğız şekarasın şegendeuge (delimitaciyalauğa) baylanıstı qwjatqa qol qoyıp, strategiyalıq äriptestikti odan arı damıtu jayında kelissözder jürgizgen bolatın.

“The Qazaq Times”